Իրավական10:56, 30 Հոկտեմբեր 2018
Սաուդյան Արաբիայի գլխավոր դատախազը Քաշըքչըի գործով Թուրքիայում է
Սաուդյան Արաբիայի գլխավոր դատախազ Սուուդ Մուջեբը Թուրքիայում է։ Այցի նպատակը Ստամբուլում Սաուդյան Արաբիայի գլխավոր հյուպատոսարանում սպանված սաուդցի լրագրող Ջեմալ Քաշըքչըի գործով տեղեկություններ ստանալն է։ Մուջեբին Աթաթուրքի անվան օդանավակայանում դիմավորել է Ստամբուլի փոխդատախազներից Զաֆեր Քոչը։
Մուջեբի գլխավորած պատվիրակությունը Ստամբուլի արդարադատության պալատում հանդիում է ունեցել Ստամբուլի գլխավոր հանրապետական դատախազ Իրֆան Ֆիդանի հետ։ Հանդիպմանը ներկա են գտնվել նաև Քաշըքչըի գործը վարող փոխդատախազ Հասան Յըլմազը և հանրապետական դատախազ Իսմեթ Բոզքուրթը։
Սաուդյան Արաբիայի գլխավոր դատախազի առաջին պահանջը եղել է Քաշըքչըի սպանության վերաբերյալ բոլոր տեսա-ձայնագրությունների, հեռախոսազրույցների ձայնագրությունների և ձեռք բերված այլ ապացույցների տրամադրումը։ Սակայն թուրքական կողմը մերժել է Մուջեբի այդ պահանջը։
Ստամբուլի գլխավոր հանրապետական դատախազ Ֆիդանը սաուդցի իր պաշտոնակցին հիշեցրել է, որ հանցագործությունը կատարվել է Թուրքիայում, ուստի միջադեպին մասնակցած բոլոր 18 անձինք պետք է քրեական պատասխանատվության ենթարկվեն Թուրքիայում։ Մուջեբը հակադարձել է՝ պնդելով, որ այս գործով հետաքննությունը պետք է անցկացվի Սաուդյան Արաբիայում։ Նա թուրքական կողմին խոստացել է, որ Արաբիայում առողջ հետաքննություն կանցկացվի և առաջարկել է Թուրքիան ցանկության դեպքում գործի քննությանը մասնակցելու նպատակով հատուկ պատվիրակություն ուղարկել Սաուդյան Արաբիա։
Ավելի քան 1 ժամ տևած հանդիպման ընթացքում սաուդցի դատախազին հաջողվել է ծանոթանալ միայն հետաքննության ընթացքում կատարված հարցաքննությունների արձանագրություններին։ Այնուհետև Մուջիբը մեկնել է Ստամբուլի գլխավոր հյուպատոսարան։
Դատախազ Սուուդ Մուջիբի որոշմամբ ձերբակալվել և այնուհետև կալանավորվել են 18 հոգանոց թիմի անդամները, ովքեր Սաուդյան Արաբիայից ժամանել էին Թուրքիա, սպանել Քաշըքչըին և վերադարձել իրենց երկիր։ Մուջիբը նաև այդ 18 հոգուն հարցաքննող դատախազն է և այս հետաքննության կարևոր դեմքերից մեկը։
Հիշեցնենք, որ Սաուդյան Արաբիայի քաղաքացի, սաուդյան իշխանությունների վերաբերյալ քննադատական հոդվածներով հայտնի, «Washington Post»-ի թղթակից Ջեմալ Քաշըքչըն (Խաշուկջին) փաստաթղթային հարցերով հոկտեմբերի 2-ին մտել էր Ստամբուլում Սաուդյան Արաբիայի հյուպատոսարան և այլևս դուրս չէր եկել այնտեղից:
Հարազատների դիմումներից ու առաջացած աղմուկից հետո թուրքական ոստիկանությունը գործ էր հարուցել, ինչի շրջանակներում ուսումնասիրություններ էր արել հյուպատոսարանի շենքում: Արդյունքում լրագրողի սպանության, այնուհետև մարմինը մասնատելու և Թուրքիայից դուրս հանելու վերաբերյալ փաստեր էին ձեռք բերվել: Դրանից հետո միջազգային ճնշման արդյունքում Սաուդյան Արաբիայի իշխանությունները խոստովանել էին, որ ընդդիմադիր լրագրողը սպանվել է հյուպատոսարանում՝ հարցաքննության ժամանակ:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |