Իրավական08:46, 01 Նոյեմբեր 2018
Խաշոկջին սպանվել է հյուպատոսարանում, իսկ մարմինը ոչնչացվել է. Ստամբուլի դատախազության հայտարարությունը
Ստամբուլի գլխավոր դատախազությունը հայտարարություն է տարածել Սաուդյան Արաբիայի քաղաքացի, ընդդիմադիր լրագրող Ջեմալ Խաշոկջիի (Քաշըքչը) սպանության հանգամանքների վերաբերյալ:
Տարածված գրավոր հայտարարության մեջ նշվել է, որ լրագրողը սպանվել է Ստամբուլում սաուդական հյուպատոսարանի շենքում:
«Հիմնվելով Հանրապետական դատախազությանը կողմից կատարվող հետաքննության արդյունքում ձեռք բերված ապացույցների վրա՝ անհրաժեշտություն ենք համարում հանրության հետ կիսվել սպանության հանգամանքների վերաբերյալ ներքոշարադրյալով:
Զոհ Ջեմալ Խաշոկջին 02.10.18թ-ին ամուսնական փաստաթղթեր ստանալու համար մուտք է գործել Ստամբուլում Սաուդյան Արաբիայի թագավորության գլխավոր հյուպատոսարան: Հյուպատոսարան մտնելուն պես նա նախօրոք ծրագրված կերպով խեղդամահ է արվել:
Սպանությունից հետո Խաշոկջիի դիակը կրկին նախօրոք ծրագրված կերպով մասնատվել է և ոչնչացվել:
Արդյունքում երկար ժամանակ հյուպատոսարանից Խաշոկջիի դուրս գալուն սպասող մտերիմներից մեկը դիմել է իրավապահ մարմիններին: Դրանից անմիջապես հետո հանրապետական դատախազությունը հետաքննություն է սկսել, որը ողջ թափով շարունակվում է»,- ասվում է հայտարարության մեջ:
Նշենք, որ հոկտեմբերի 29-ին Սաուդյան Արաբիայի գլխավոր դատախազը Խաշոկջիի սպանության գործով ժամանել էր Թուրքիա, որտեղ գործի վերաբերյալ քննարկումներ է ունեցել թուրք պաշտոնակցի հետ:
Հիշեցնենք, որ հոկտեմբերի 2-ին Սաուդյան Արաբիայի վերաբերյալ քննադատական հոդվածներով հայտնի լրագրող, ամերիկյան «Washington Post» թերթի թղթակից Ջեմալ Խաշոկջին մուտք է գործել Ստամբուլում Սաուդյան Արաբիայի հյուպատոսարանի շենք և այնտեղից դուրս չի եկել:
Սկզբում ենթադրվում էր, որ Խաշոկջին ձերբակալված պահվում էր Ստամբուլում հյուպատոսարանի շենքում, սակայն օրեր անց արդեն սկսեց շրջանառվել վերջինիս սպանված լինելու վարկածը:
Թուրքական ոստիկանության սկսած հետաքննության արդյունքուն հաստատվեց սպանության վարկածը, ինչից հետո Սաուդյան Արաբիան նույնպես ընդունեց լրագրողի սպանվելու հանգամանքը:
Նշվում է, որ Սաուդյան Արաբիայի քաղաքացի հանդիսացող Խաշոկջին հյուպատոսարան էր այցելել ամուսնալուծության վերաբերյալ փաստաթղթերը վերցնելու նպատակով:
ԱՄՆ-ում բարձրագույն կրթություն ստացած Խաշոկջին աշխատել է տարբեր սաուդական լրատվամիջոցներում՝ մշտապես հանդես գալով իշխանություններին քննադատող հոդվածներով: Իր երկրում հետապնդումների ենթարկված լրագրողը վերջին շրջանում թղթակցում էր ամերիկյան «Washington Post» թերթին, որտեղ նույնպես հանդես էր գալիս Սաուդյան Արաբիայի իշխանություններին քննադատող հոդվածներով:
Այս ենթաբաժնի վերջին նորությունները
Ստամբուլից հեռարձակվող ռադիոն «Թուրքիայի Ռադիոյի և հեռուստատեսության բարձրագույն խորհրդի» որոշմամբ այլևս կդադարի գործել: Ռադիոընկերությունը հայտարարել է որոշման դեմ պայքարելու մասին։
Եվրոպական խորհրդին կից գործող Արդարադատության արդյունավետության եվրոպական հանձնաժողովը հրապարակել է եվրոպական երկրների դատաիրավական համակարգի գնահատման վերաբերյալ զեկույց։
Ստամբուլում մահվան ելքով վթարից հետո ԱՄՆ փախուստի դիմած Թիմուր Ջիհանթիմուրիի գործով վերջնական որոշումն ամերիկյան դատարանը կկայացնի մեկ շաբաթ անց՝ գրավոր միջնորդությունները ստանալուց հետո:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Նախատեսվում է, որ հանդիպման ավարտին մասնակից երկրների կողմից ընդունվելու է համատեղ հայտարարություն։
Ստամբուլից հեռարձակվող ռադիոն «Թուրքիայի Ռադիոյի և հեռուստատեսության բարձրագույն խորհրդի» որոշմամբ այլևս կդադարի գործել: Ռադիոընկերությունը հայտարարել է որոշման դեմ պայքարելու մասին։
«Yandex»-ը վճռական է Թուրքիայում հաստատել մշտական գործարար հարաբերություններ և շուտով կգործարկվեն մի շարք ապրանքներ, որոնք նախատեսված են հատուկ Թուրքայի համար։
«Զարմանալի ես ԱԶԿ... այնպես, ինչպես բոլոր ոլորտներում ես, Նոբելյանում ևս Թուրքիային բարձրացրիր»,-գրել է Ալի Քարահասանօղլուն:
Թուրքիայի ԱԳ նախարարն ուղիղ եթերում անդրադարձել է Պաղեստինի Գազայի հատվածում իշխող «ՀԱՄԱՍ» խմբավորման ղեկավարի սպանության մասին տարածվող լուրերին և Մերձավոր Արևելքի լարվածությանը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |