2018թ. հոկտեմբեր ամսին Թուրքիա-Հայաստան սահմանն ապօրինի հատելու 4 փորձ է կատարվել

Հասարակական10:17, 01 Նոյեմբեր 2018

2018թ. հոկտեմբեր ամսին Թուրքիա-Հայաստան սահմանն ապօրինի հատելու 4 փորձ է կատարվել

2018թ. հոկտեմբեր ամսին Թուրքիա-Հայաստան սահմանն ապօրինի հատելու 4 փորձ է կատարվել:

Հայաստանում ՌԴ Դաշնային անվտանգության ծառայության Սահմանապահ վարչության լրատվական ծառայությունից ստացված տեղեկությունների համաձայն` սահմանախախտների թվում եղել են Թուրքիայի, Իրանի, Աֆղանստանի քաղաքացիներ, ինչպես նաև Հարավային Ասիայի երկրներից եկող անհայտ խումբ:

Ռուս սահմանապահները հոկտեմբերի 14-ին ձերբակալել են ՀՀ տարածք մուտք գործող Իրանի 1 քաղաքացու:

Հոկտեմբերի 15-ին թուրք-հայկական սահմանը փորձել էր հատել Թուրքիայի քաղաքացի, սակայն Գյումրիի սահմանապահ ջոկատի կողմից բերման էր ենթարկվել:

Ավելի ուշ պարզվեց, որ սահմանախախտը ազգությամբ քուրդ է: Նա մեղադրվում էր ծանր հանցագործություններ կատարելու մեջ և Հայաստան փախել` փորձելով թաքնվել թուրք իրավապահ մարմիններից:

Իսկ հոկտեմբերի 15-ի լույս 16-ի գիշերը ռուս սահմանապահները կալանավորել են 4 անձի, ովքեր փորձել են ապօրինի հատել թուրք-հայկական սահմանը:

Համաձայն տեղեկությունների` սահմանախախտները նախատեսել էին գիշերային ժամերին մոտենալ Արաքս գետին և կարճ ժամանակահատվածում հատել սահմանը: Վերջիններս Հարավային Ասիայից են:

Հոկտեմբերի 29-ին Թուրքիա-Հայաստան սահմանը հերթական անգամ խախտել է Աֆղանստանի քաղաքացի: Վերջինս ձերբակալվել է ՌԴ սահմանապահ զորքերի Արտաշատի ուղեկալի մոտ։ Սոցիալական ծանր պայմաններից դրդված սահմանախախտն ապօրինաբար անցել էր Պակիստան-Աֆղանստան, Աֆղանստան-Իրան, Իրան-Թուրքիա սահմանները և միայն Թուրքիայից Հայաստան մուտք գործելու փորձի ժամանակ ձերբակալվել` ռուս սահմանապահների կողմից։

Բոլոր բերման ենթարկվածները փոխանցվել են ՀՀ իրավապահներին։

Աղբյուր` Ermenihaber.am

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։