Դեմիրթաշը հայտարարել է, որ այլևս քրդամետ կուսակցության ղեկավար ընտրվելու հայտ չի ներկայացնելու

Քաղաքական12:53, 13 Նոյեմբեր 2018

Դեմիրթաշը հայտարարել է, որ այլևս քրդամետ կուսակցության ղեկավար ընտրվելու հայտ չի ներկայացնելու

Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) նախկին համանախագահ Սելահաթթին Դեմիրթաշը հայտարարել է, որ այլևս չի պատրաստվում որևէ ընտրական պաշտոնի առաջադրվել` այդ թվում կուսակցության նախագահի պաշտոնին:

Դեմիրթաշը թուրքական «Cumhuriyet» ընդդիմադիր թերթին տված հարցազրույցում ասել է. «Քաղաքականությունը միայն կուսակցությունների միջոցով առաջ տարվող գործընթաց չէ: Անշուշտ ԺԴԿ-ն շարունակելու է իր ճանապարhը որպես կարևոր քաղաքական դերակատար: Ես էլ որպես մի ԺԴԿ-ական, հանուն ժողովրդավարության ու ու խաղաղության, կլինեմ իմ կուսակցության հետ, նրա կողքին: Սակայն ո՛չ մոտ, ո՛չ էլ հեռու ապագայում ԺԴԿ-ում որևէ ընտրական պաշտոնի, այդ թվում համանախագահի պաշտոնին հավակնություն չեմ ունենա: Առանց այդ էլ ցանկանում են այնպես անել, որ ես «ներսում» մնամ և քաղաքական գործունեություն չկարողանամ ծավալել»:

Դեմիրթաշը նշել է, որ իր քաղաքական գարծունեությունը երբեք կախված չի եղել իր զբաղեցրած պաշտոնից:

«Ժողովրդի հետ իմ հարաբերությունները ջերմ հարաբերություններ էին: Դրան չի կարող խոչընդոտել ոչ մի ծանր պատիժ, ոչ մի մեկուսարանի պատ, ոչ մի քաղաքական արգելք: Ես քաղաքականության մեջ իմ դերը կշարունակեմ ունենալ այնքան ժամանակ քանի դեռ ժողովրդի հետ այդ կապն առկա է»,- եզրափակել է հայտնի քուրդ քաղաքական գործիչը:

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։