Թուրք լրագրողն առանձնացրել է Էրդողանի նոր կառավարության չիրականացրած խոստումները

Քաղաքական10:02, 13 Նոյեմբեր 2018

Թուրք լրագրողն առանձնացրել է Էրդողանի նոր կառավարության չիրականացրած խոստումները

Թուրքիայի կառավարությունը չի կարողացել իրականացնել մի շարք կետեր, որոնք տեղ էին գտել նախագահ Ռեջեփ Թայիփ Էրդողանի կաբինետի 1-ին «100-օրյա գործողությունների ծրագրում»:

Թուրքական «Sozcu» թերթի հոդվածագիր Իսմաիլ Շահինը, հիշեցնելով, որ օգոստոսի 3-ին ներկայացված ծրագրի 100 օրը լրացել է նոյեմբերի 10-ին, առանձնացրել է անձամբ Էրդողանի կողմից ներկայացված ծրագրի չկատարված դրույթները:

Դրանք ներկայացնում ենք ստորև.

Քանդված «Աթաթուրքի անվան մշակույթի կենտրոնի» կառուցման համար հայտարարված մրցույթը չի ավարտվել:

Չի հայտարարվել մրցույթ «Կանալ Ստամբուլ»-ի և Ստամբուլի եռահարկ մեծ թունելի կառուցման համար:

Չի կատարվել այն օրենսդրական փոփոխությունները, որոնք պետք է թույլ տային շարքային զինվորների և սերժանտական կազմի ընտանիքներին օգտվել առողջապահական արտոնություններից:

Արդար հիմքերի վրա չի դրվել ալիմենտային վճարի համակարգը:

Կենդանիներին սատկացնելու կամ դրանց նկատմամբ իրականացվող տարատեսակ ոտնձգությունների համար պատիժներ սահմանող օրենքի փաթեթը չի ընդունվել:

Չեն ավելացել սոցիալական վճարներ ստացողների նպաստները:

Չի հիմնվել անշարժ գույքի բանկը:

Չի հիմնվել անշարժ գույքի գնահատման համակարգը:

Չի հիմնվել Թուրքիայի տիեզերական ընկերությունը:

Չեն կառուցվել 6 կմ հեծանվուղին ու կանաչապատ քայլուղին:

Նշվում է, որ առաջիկա օրերին հայտարարվելու է կառավարության 2-րդ հարյուրօրյա ծրագիրը:

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։