Թուրքիան Իսրայելից պահանջել է անհապաղ դադարեցնել Գազայի ուղղությամբ հրթիռակոծությունները

Տարածաշրջան12:55, 13 Նոյեմբեր 2018

Թուրքիան Իսրայելից պահանջել է անհապաղ դադարեցնել Գազայի ուղղությամբ հրթիռակոծությունները

Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը մեկնաբանել է Իսրայելի զինուժի վերջին հրթիռակոծությունները Գազայի ուղղությամբ, որի հետևանքով զոհերի թիվը պաղեստինցիների շրջանում այս պահին հասել է 6-ի։

«Այս հարվածները մեկ անգամ ևս ցույց տվեցին Իսրայելի զավթողական, արգրեսիվ դիրքորոշումը։ Գազայի ժողովրդի դեմ ուղղված հարձակումները պետք է անհապաղ դադարեցվեն։ Միջազգային հանրությունը, որը անտեսում է Իսրայելի հարձակումները, պետք է պատասխանատվություն ստանձնի և գործի անցնի։ Ամբողջ աշխարհը պետք է ոչ ասի Իսրայելի սադրիչ զավթողական քաղաքականությանը, որով ցանկանում են փոխել Երուսաղեմի կարգավիճակը, ինչպես նաև Պաղեստինի տարածքը վերածել բացօթյա բանտի»,-ասել է Քալընը, ավելացնելով, որ այս հակամարտությունը լուծելու համար պետք է հաշվի առնել «Երկու պետություն երկու ազգի համար» սկզբունքը։

«Ակնհայտ է, որ Իսրայելի իշխանությունները չեն հավատում երկու պետության սկզբունքին և ջանում են գործընթացը տապալել։ Անհնար են այնպիսի որոշումների ընդունումը, որոնցով հաշվի չի առնվի Պաղեստինի ժողովրդի անկախությունը և անվտանգությունը։ Պաղեստինի ժողովուրդը ո՛չ միայնակ է, ոչ էլ անճար»,-եզրափակել է Թուրքիայի նախագահի մամուլի խոսնակը։

Տեղեկացնենք, որ մինչ Իսրայելի հրթիռակոծությունները, Գազայի հատվածից 80 հրթիռ արձակվել Իսրայելի վրա։

Աղբյուր` Ensonhaber