Թուրքիան ԱՄՆ-ի հետ բանակցում է կոնգրեսի պատժամիջոցները չեղարկելու համար

Քաղաքական10:16, 14 Նոյեմբեր 2018

Թուրքիան ԱՄՆ-ի հետ բանակցում է կոնգրեսի պատժամիջոցները չեղարկելու համար

Թուրքիան աշխատանքներ է իրականացնում, որպեսզի Վաշինգտոնը չեղարկի Թուրքիայի դեմ պատժամիջոցներ սահմանող այն օրինագծերը, որոնք ընդունել էր ԱՄՆ-ի կոնգրեսը։ Այդ մասին հայտարարել է Թուրքիայի արտաքին գործերի նախարար Մևլութ Չավուշօղլուն։

Վերջինս ամերիկյան ղեկավարությանը կոչ է արել նաև հրաժարվել Իրանի հանդեպ պատժամիջոցներից՝ պատճառաբանելով, որ դրանք չեն կարող առկա խնդիրները լուծել։

Չավուշօղլուն նաև անդրադարձել է մի քանի օր առաջ ԱՄՆ-ի պետքարտուղարության այն հայտարարությանը, որով գլխագին էր խոստացվել այն անձանց, ովքեր ամերիկյան կողմին տվյալներ կներկայացնեին Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) 3 պարագլուխների գտնվելու վայրի մասին, ովքեր հետախուզվում են Անկարայի կողմից։

«ԱՄՆ-ն պարգևավճար է խոստացել PKK-ի պարագլուխների համար։ Սա իհարկե դրական քայլ է, բայց ուշացած և ոչ բավարար։ Մենք ցանկանում ենք տեսնել այդ ամենի արդյունքը իրականում»,- ասել է Չավուշօղլուն։

Աղբյուր` Haberturk

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։