Թուրքիան անարդյունավետ է օգտագործում փախստականների համար հատկացված միջոցները

Հասարակական06:36, 14 Նոյեմբեր 2018

Թուրքիան անարդյունավետ է օգտագործում փախստականների համար հատկացված միջոցները

Թուրքիան անարդյունավետ է օգտագործում այն միջոցները, որոնք Եվրամիությունը տրամադրում է սիրիացի փախստականների կարիքները հոգալու համար։ Նման եզրակացության է եկել «Եվրոպական աուդիտորական պալատը» և այդ մասին զեկույց հրապարակել։

ԵՄ-ի հատկացրած միջոցները պետք է նպաստեին փախստականների իրավունքների պաշտպանությանը, նրանց կրթական մակարդակի բարձրացմանը և ապահովագրական զանազան հարցերի կարգավորմանը։

Զեկույցում ասվել է, որ Թուրքիան չի կարողացել ճիշտ դասակարգել առաջնահերությունները և ֆինանսական միջոցների գրեթե կեսն օգտագործել է ոչ արդյունավետ:

Պալատի ներկայացուցիչ Բեթթինա Յակոբսենը նշել է, որ իրենք վստահ չեն կարող ասել, թե արդյոք Թուրքիային հատկացված ողջ գումարը նպատակաուղղվել է ներգաղթյալների խնդիրների լուծմանը:

Հիշեցնենք, որ Թուրքիայի և Եվրամիության միջև 2016թ. փախստականների վերաբերյալ կնքված պայմանագրի համաձայն՝ Անկարային հատկացվելու է ընդհանուր՝ 6 մլրդ դոլար։ Արդեն հատկացվել է 3 մլրդ դոլար:

Աղբյուր` Halktv.com.tr

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։