Ռազմական07:27, 16 Նոյեմբեր 2018
F-35 ռազմական ինքնաթիռների՝ Թուրքիային հանձնելու գործընթացում առաջընթաց կա
Պենտագոնը Թուրքիային վաճառվելիք 100 հատ F-35 ռազմական ինքնաթիռների վերաբերյալ զեկույց է ներկայացրել ԱՄՆ Կոնգրես։
Ավելի վաղ այդ ինքնաթիռների՝ Թուրքիային հանձնումը հետաձգվել էր մինչև այն պահը, երբ նշված զեկույցը կուղարկվեր Կոնգրես։ Ահա թե ինչու զեկույցի ներկայացման փաստն արդեն իսկ գնահատվում է որպես առաջընթաց ինքնաթիռների վաճառքի գործընթացում։
ԱՄՆ նախագահ Դոնալդ Թրամփը 2018թ․ օգոստոսին ստորագրել էր մի օրինագիծ, որով ժամանակավորապես կասեցվում էր F-35 ռազմական ինքնաթիռների մատակարարումը Թուրքիային։
Օրենքի ուժի մեջ մտնելուց հետո 90 օրվա ընթացքում ԱՄՆ պաշտպանության նախարարությունը պետք է նախապատրաստեր ԱՄՆ-Թուրքիա հարաբերությունների վերաբերյալ մի զեկույց, իսկ ինքնաթիռների վաճառքը Թուրքիային պետք է կասեցվեր առնվազն մինչև այդ զեկույցի պաշտոնական հրապարակումը։
ԱՄՆ-ի կողմից արտադրված և Թուրքիային վաճառվելիք F-35 ռազմական ինքնաթիռների հանձնման գործընթացը հետաձգելու պատճառների շարքում վերջին շրջանում վատթարացած թուրք-ամերիկյան հարաբերություններն ու Ռուսաստանից S-400 ՀՕՊ համակարգեր գնելու Անկարայի մտադրություներն էին։
Պենտագոնի սպառազինության հարցերով պատասխանատու Էլեն Լորդը նախորդ շաբաթ լրատվամիջոցների հետ զրույցում հայտարարել էր, որ Թուրքիայի՝ S-400 ՀՕՊ համակարգեր ձեռք բերելու մտադրությունը «խնդրահարույց է»։ Նա հավելել էր, որ Կոնգրես ներկայացվող զեկույցում միայն իրականությունն է արձանագրվելու և որևէ առաջարկ չի ներկայացվելու։
Այս ենթաբաժնի վերջին նորությունները
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
«Թուրքիայի արտահանողների միության» նախագահի պաշտոնակատար Ահմեդ Գյուլեչն անդրադարձել է Թուրքիայի կողմից ԱՄՆ-ում կատարված ներդրումներին։
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |