Ազգայնականների ու Էրդողանի գլխավորած ԱԶԿ-ի հարաբերությունները կրկին ջերմանում են

Քաղաքական09:50, 19 Նոյեմբեր 2018

Ազգայնականների ու Էրդողանի գլխավորած ԱԶԿ-ի հարաբերությունները կրկին ջերմանում են

Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» (AKP-ԱԶԿ) և Դևլեթ Բահչելի գլխավորած «Ազգայնական շարժում» կուսակցությունների հարաբերությունները, որոնք վերջին մեկ ամսվա ընթացքում լարված էին, կրկին ջերմանալու միտում են ցույց տալիս:

2019թ.-ին Թուրքիայում տեղի ունենալիք տեղական ինքնակառավարման մարմինների ընտրություններին ԱԶԿ-ի հետ դաշինքով մասնակցելու մտադրություն չունենալու մասին Բահչելիի հայտարարությունից 1 ամիս հետո հանդիպելու են 2 կուսակցությունների առաջնորդները:

Նշվում է, որ ընդհանուր դաշինք կազմելու հնարավորությունը սպառած կողմերը Էրդողանի նախաձեռնությամբ տեղի ունենալիք հանդիպմանը կպայմանավորվեն լոկալ համագործակցության մասին: Դրանց իրականացման ուղղությամբ գործնական քայլերն էլ կհամաձայնեցվեն 2 կուսակցությունների՝ տեղական ինքնակառավարման հարցերի պատասխանատուները, որոնց հանդիպումը նախատեսվում է ավելի ուշ:

Դաշինքով չմասնակցելու մասին Բահչելիի հայտարարությունը հետևանքն էր այն լարվածության, որն առաջացել էր համաներման վերաբերյալ ԱՇԿ-ի նախաձեռնությունը ԱԶԿ-ի ցուցաբերած ընդգծված բացասական մոտեցումից հետո: Էրդողանը հանդես եկավ այդ նախաձեռնությանն ուղղված քննադատական ելույթով, իսկ Բահչելին Էրդողանին անվանեց դեմագոգ: Կողմերը, սակայն, 2018 թ. հունիսի 24-ին Թուրքիայում տեղի ունեցած արտահերթ նախագահական և խորհրդարանական ընտրությունների ժամանակ ձևավորած «Ջումհուր» (Ժողովրդական) դաշինքի շրջանակներում շարունակում են համագործակցությունը խորհրդարանական ձևաչափով:

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։