Էրդողանի կուսակցությունը ՏԻՄ ընտրություններում կհամագործակցի ազգայնականների հետ

Քաղաքական07:29, 22 Նոյեմբեր 2018

Էրդողանի կուսակցությունը ՏԻՄ ընտրություններում կհամագործակցի ազգայնականների հետ

Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» (AKP-ԱԶԿ) և Դևլեթ Բահչելի գլխավորած «Ազգայնական շարժում» (MHP-ԱՇԿ) կուսակցությունների միջև առաջացած լարվածությունը հավանաբար հարթվում է:

Նոյեմբերի 21-ին տեղի ունեցած Էրդողան-Բահչելի հանդիպմանը որոշակի պայմանավորվածություններ են ձեռք բերվել 2019-ի մարտին Թուրքիայում տեղի ունենալիք ՏԻՄ ընտրություններում համագործակցելու շուրջ: Այդ մասին հայտարարել է ԱԶԿ-ի խոսնակ Օմեր Չելիքը:

Չելիքը մասնավորապես ասել է. «Հանդիպումն արդյունավետ է անցել: ՏԻՄ ընտրություններում համագործակցության շուրջ որոշակի համաձայնության ենք եկել: Դաշինքի վերաբերյալ մեր մտքում արդեն որոշակիացրած մոդել ունենք: Հանդիպելու են նաև կուսակցությունների փոխնախագահները, որից հետո զեկույց կներկայացնեն կուսակցապետերին: Զեկույցներին ծանոթանալուց հետո կուսակցությունների ղեկավարները ևս մեկ հանդիպում կունենան»:

Չելիքը տեղեկացրել է նաև, որ ԱԶԿ-ն շաբաթ օրը կհրապարակի Թուրքիայի մեծ քաղաքների քաղաքապետերի իր թեկնածուների անունները:

Հիշեցնենք, որ 2018-ի խորհրդարանական ընտրություններին դաշինքով մասնակցած կուսակցությունների միջև լարվածություն էր առաջացել համաներման վերաբերյալ ԱՇԿ-ի նախաձեռնությունը ԱԶԿ-ի ցուցաբերած ընդգծված բացասական մոտեցումից հետո:

Դրանից հետո Բահչելին հայտարարել էր, որ իրենք մտադրություն չունեն ԱԶԿ-ի հետ դաշինքով մասնակցելու ՏԻՄ ընտրություններին:

Կողմերը, սակայն, 2018 թ. հունիսի 24-ին Թուրքիայում տեղի ունեցած արտահերթ նախագահական և խորհրդարանական ընտրությունների ժամանակ ձևավորած «Ջումհուր» (Ժողովրդական) դաշինքի շրջանակներում շարունակում են համագործակցությունը խորհրդարանական ձևաչափով:

Աղբյուր` Yenişafak

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։