Հասարակական13:48, 26 Նոյեմբեր 2018
Թուրք պատմաբան.«Մուսթաֆա Քեմալն այնպիսի մեծություն չէ, ինչպիսին կարծում եք»
Թուրքիայում Աթաթուրքի և քեմալականների վերաբերյալ սկանդալային հայտարարություններով հայտնի պատմաբան Քադիր Մըսըրօղլուն դարձյալ հայտնվել է քեմալականների քննադատության թիրախում։
Վերջերս քեմալական շարժման մասին խոսելիս՝ «Երանի հույները հաղթեին» արտահայտությամբ կրքեր բորբոքած Մըսըրօղլուն հերթական հայտարարությամբ է հանդես եկել՝ ասելով, որ Մուսթաֆա Քեմալը Աթաթուրքն այպիսի մեծություն չէ, ինչպիսին կարծում են։
«Աթաթուրքի թշնամի» պիտակավորված պատմաբանը խոստովանել է, որ ամենևին հեշտ չի եղել իր համար Աթաթուրքին քննադատելը, քանի որ միշտ ստիպված է եղել ինչ-որ բանով հատուցել այդ թշնամության դիմաց։
«Երբ աշակերտ էի, չեմ հիշում ինչ ասացի (խմբ. Աթաթուրքի հասցեին), բայց մեկ շաբաթով ինձ վտարեցին դպրոցից։ Լիցեյում նկարը պատռեցի, երեք օրով վտարեցին։ Համալսարանում նրան հակառակ մի բան ասացի, դրանից հետո ինձ մատնացույց էին անում՝ որպես Աթաթուրքի թշնամի։ Բայց ես գիտակցված եմ գնացել այդ քայլին. գիտեի, որ ասածներիս համար ինչ-որ գին պետք է վճարեմ»,-ասել է Մըսըրօղլուն։
Պատմաբանն ընդգծել է նաև, որ այս պահին իր դեմ 18 դատական հայց կա ներկայացված։ Բողոքողներից առաջինը Թուրքիայի կոմունիստական կուսակցությունն է, երկրորդը՝ Ժողովրդական կուսակցությունը։ Մըսըրօղլուն նշել է, որ հպարտանում է այդ բողոքներով։
Հիշեցնենք, որ թուրք պատմաբանի թերևս ամենազավեշտալի սկանդալային հայտարարություններից մեկը վերաբերում էր աշխարհահռչակ անգլիացի գրող Շեքսպիրին։ Ըստ Մըսըրօղլուի՝ Շեքսպիրն իրականում մահմեդական է եղել: «Շեքսպիրն անգլիացի չէր: Անգլիայում ոչ Շեքսպիրից առաջ, ո՛չ էլ հետո այդ անվամբ որևէ մարդ չի եղել: Շեքսպիրի իրական անունը Շեյխ Փիր է: Նա ծպտյալ մամեդական էր»:
Այս ենթաբաժնի վերջին նորությունները
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |