Թուրքիայի պաշտպանության նախարարը պատասխանել է Գարո Փայլանին

Քաղաքական06:43, 27 Նոյեմբեր 2018

Թուրքիայի պաշտպանության նախարարը պատասխանել է Գարո Փայլանին

Թուրքիայի խորհրդարանի (մեջլիս) քրդամետ «Ժողովուրդների դեմոկրատական կուսակցության» (ԺԴԿ-HDP) հայ պատգամավոր Գարո Փայլանը հարց է ուղղել Թուրքիայի պաշտպանության նախարար Հուլուսի Աքարին։ Նախ հիշեցրել է, որ նախախարը թուրքական բանակն անվանել էր «Մուհամեդ Մարգարեի օջախ» և «Իսլամի վերջին բանակ», ապա հարցրել.

«Մի՞թե Թուրքիայի բանակն իսլամական բանակ է։ Եթե այո, ապա ինչու՞ են քրիստոնյաները, հուդայականները և այլ կրոն դավանողները ծառայում այդ բանակում»:

Պաշտպանության նախարարը Հուլուսի Աքարն ի պատասխան մեջբերել է սահմանադրության համապատասխան հոդվածը՝ նշելով, որ սահմանադրության համաձայն Թուրքիայի քաղաքացի հանդիսացող յուրաքանչյուր տղամարդ ենթական է զինվորական ծառայության՝ առանց կրոնադավանական խտրականության։

Գարո Փայլանը բարձրաձայնել է նաև 2011թ. ապրիլի 24-ին թուրքական բանակում ծառայող հայ զինվոր Սևակ Բալըքչըի սպանության մասին՝ ընդգծելով, որ հանցանքը կատարվել է ատելության քարոզի հետևանքով: Հուլուսի Աքարը պատասխանել է, որ չկա որևէ տեղեկություն, վկայություն կամ զեկույց, որով կհաստատվի այդ հանցանքի վերաբերյալ պնդումը։

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։