Իրավական07:58, 28 Նոյեմբեր 2018
Թուրքիայում 53 նոր քրեակատարողական հիմնարկ է կառուցվում
Թուրքիայում վերջին տարիներին բանտարկյալների թվի աճին զուգահեռ ավելանում է նաև քրեակատարողական հիմնարկների թիվը: Թուրքիայի արդարադատության նախարարության առաջ քաշած նախագծով երկրում կառուցվում են 53 նոր քրեակատարողական հիմնարկներ (ՔԿՀ), որոնցից 18-ն արդեն պատրաստ է: Բոլոր 53 ազատազրկման վայրերի ընդհանուր մակերեսը կազմելու է 4.115.558 քմ:
Այս պահին Թուրքիայում առկա է 387 ՔԿՀ, որոնցից 291-ը՝ փակ ռեժիմի ՔԿՀ, 70-ը՝ բաց ռեժիմի, 10՝ անչափահասների, կանաց բաց և փակ ռեժիմի 5-ական ՔԿՀ:
Նշվում է, որ բանտարկյալների թիվը մի քանի անգամ ավելացել է Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում կուսակցության» (ԱԶԿ-AKP) իշխանության գալուց հետո: ԱԶԿ-ի իշխանության գալու պահին (2002 թ) երկրում ազատազրկվածների թիվը կազմել է 59429: 2018-ի մայիսի 15-ի դրությամբ ազատազրկվածների թիվը հասել է 246416-ի, որոնցից 95390-ը կալանավորված են, 151026-ը՝ դատապարտված: Նախատեսվում է, որ նոր ՔԿՀ-ների կառուցմամբ ազատազրկվածների թիվը կարող է հասնել 800.000-ի:
Ավելացնենք, որ Թուրքիայում 2015-ին ազատազրկվածների թիվը շեշտակի աճեց 2016-ին երկրում տեղի ունեցած հեղաշրջման փորձից հետո, երբ տասնյակ հազարավոր մարդիկ ձերբակալվեցին կամ կալանավորվեցին հեղաշրջման փորձի կազմակերպիչներ համարվող գյուլենական շարժման հետ կապ ունենալու մեղադրանքով:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |