Ռուսաստանը 550 տոննա թուրքական մանդարինը սահմանից հետ է ուղարկել

Տնտեսական08:19, 29 Նոյեմբեր 2018

Ռուսաստանը 550 տոննա թուրքական մանդարինը սահմանից հետ է ուղարկել

Ռուսաստանի Դաշնության գյուղատնտեսական վերահսկողական ծառայությունը` «Ռոսսելխոզնադզոր»-ը, սահմանից հետ է ուղարկել Թուրքիայից ներկրվող 550 տոննա մանդարինը:

«Ռոսսելխոզնադզոր»-ի Կրասնոդարի և Ադիգեյի դաշնային վարչության հայտարարության մեջ ասվում է, որ Նովորոսիյսկի, Գելենջիկի և Տուապսեի նավահանգիստներ հասած մանդարինի խմբաքանակի մեջ միջերկրածովյան վնասատու միջատ է հայտնաբերվել:

Ռուսական գերատեսչությունից մանրամասնել են, որ վնասատուն կարող է հարմարվել Ռուսաստանի հարավի կլիմային ու տարածվելով վնաս հասցնել տեղի այգիներին:

Համաձայն Թուրքիայի «Արևելասևծովյան շրջանի արտահանողների միության» տվյալների՝ 2018-ի առաջին 5 ամսում Թուրքիայից Ռուսաստան է արտահանվել 381.057 տոննա պտուղ-բանջարեղեն, այդ թվում՝ 75.646 տոննա մանդարին:

Նշվում է, որ ընթացիկ տարում Թուրքիայից ամենաշատ արտահանվող միրգը մանդարինն է: Մանդարինի արտահանումից Թուրքիան ստացել է 42 մլն դոլարի եկամուտ:

Այս ենթաբաժնի վերջին նորությունները

11:22, 27 դեկտ

Թուրքիայի ամենամեծ խնդիրը տնտեսության մեջ է

Թուրքիայի «Asal» հետազոտական ընկերությունը տարեվերջին ընդառաջ սոցհարցման միջոցով փորձել է պարզել երկրում ամենամեծ խնդիրը:

17:30, 24 դեկտ

Թուրքիայում կարծում են, որ ռուսական գազի դադարեցումը դեպի Ուկրաինա, նոր շանս կստեղծի թուրքերի համար

Գտնվելով էներգետիկ ուղիների կենտրոնում՝ Թուրքիան կարող է առանցքային դեր խաղալ Եվրոպայի էներգետիկ ճգնաժամը մեղմելու գործում։

11:15, 23 դեկտ

Հունաստանը դեմ է Թուրքիայի և Սիրիայի միջև «Բացառիկ տնտեսական գոտու» ստեղծմանը

Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ: