Իրավական11:07, 30 Նոյեմբեր 2018
Հերթական դատավճիռը Քըլըչդարօղլուի դեմ. նա Էրդողանին ավելի քան 1 մլն լիրայի փոխհատուցում կվճարի
Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուն հերթական անգամ մեղավոր է ճանաչվել թուրքական դատարանի կողմից։
Ընդդիմադիր գործիչն արդեն հինգերորդ անգամ պարտավորեցվել է խոշոր դրամական տուգանք վճարել նախագահ Ռեջեփ Թայիփ Էրդողանին՝ ըստ էության նույն բովանդակությամբ հայտարարությունը տարբեր հարթակներից և տարբեր առիթներով հնչեցնելու համար։
Ստամբուլի 15-րդ անատոլիական դատարանը այս անգամ Քըլըչդարօղլուից 190․000 թուրքական լիրա (այսօրվա փոխարժեքով՝ 37.255 ԱՄՆ դոլար) կգանձի հօգուտ Էրդողանի։
Նշենք, որ սույն դատավարության շրջանակներում Քըլըչդարօղլուն մեղադրվում էր 2017թ․ դեկտեմբերի 12-ին մի հեռուստատեսային հաղորդման ժամանակ Էրդողանին և նրա հարազատներին ուղղված «անձնական վիրավորանք» հասցնելու մեջ։ Իրականում Քըլըչդարօղլուն հայտարարել էր, որ Էրդողանը և իր հարազատները բրիտանական Մեն կղզում հիմնված մի կեղծ ընկերության հաշվին խոշոր գումարներ են փոխանցել։ Էրդողանի և նրա հարազատների անունից ԺՀԿ առաջնորդի դեմ այս հայտարարության առթիվ ներկայացված հայցով 500․000 լիրայի (98․000 դոլար) բարոյական փոխհատուցում էր պահանջվել։ Դատարանը այդ հայցը բավարարել է միայն մասնակի՝ նշանակելով 190․000 տուգանք։
Այս և նախկին չորս դատական վճիռների հիման վրա Քըլըչդարօղլուն պարտավոր է Էրդողանին շուրջ 1 մլն 18․000 թուրքական լիրայի փոխհատուցում վճարել միայն Մեն կղզու փոխանցումների մասին հայտարարությունների համար։
Ավելի վաղ՝ 2018թ․ հունիսի 7-ին թուրքական դատարանը Քըլըչդարօղլուին 197․000 (42․660 ԱՄՆ դոլար) տուգանք էր նշանակել ՝ 2017թ․ դեկտեմբերի 5-ին նույնաբովանդակ հայտարարության համար։ 142․000 լիրայի (31․150 ԱՄՆ դոլար) մեծությամբ երկրորդ տուգանքը նշանակվել էր 2018թ․ հունիսի 13-ին՝ Մեն կղզու մասին Քըլըչդարօղլուի կողմից 2017թ․ դեկտեմբերի 5-ին արված հայտարարությունների համար։
Երրորդ տուգանքը թուրքական դատարանը նշանակել էր 2018թ․ հուլիսի 18-ին։ Այս անգամ փողերի լվացման թեման Քըլըչդարօղլուի համար արժեցել էր 359․000 (74․000 դոլար)։
Էրդողանի և նրա հարազատների կողմից արված դրամական փոխանցումների մասին հայտարարության առթիվ Քըլըչդարօղլուի դեմ հարուցված չորրորդ գործով Ստամբուլի 20-րդ անատոլիական դատարանը ընդդիմադիր կուսակցապետին պարտավորեցրել էր 130․000 թուրքական լիրայի (շուրջ 23․600 ԱՄՆ դոլար) տուգանք վճարել։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |