Էրդողանը Հայոց ցեղասպանության մասին. «Մեր պատմության մեջ նման դեպք չի եղել»

Ցեղասպանություն06:53, 03 Դեկտեմբեր 2018

Էրդողանը Հայոց ցեղասպանության մասին. «Մեր պատմության մեջ նման դեպք չի եղել»

Արգենտինայի մայրաքաղաք Բուենոս Այրեսում հրավիրված «Մեծ քսանյակի» (G-20) գագաթնաժողովի շրջանակներում մամուլի ասուլիսի ժամանակ Թուրքիայի նախագահ Ռեջեփ Թայիփ Էրդողանը պատասխանել է լրագրողների հարցերին։ Դրանցից մեկը վերաբերել է Հայոց ցեղասպանության թեմային։

Էրդողանը այդ առնչությամբ մասնավորապես ասել է. «Ցեղասպանության հարցը եկեք թողնենք պատմաբաններին: Մեր պատմության մեջ նման դեպք չի եղել: Մենք պատրաստ ենք ամեն տեսակ քննարկումների»:

Թուրքիայի նախագահը, անդրադառնալով Թուրքիայում անօրինական բնակություն հաստատած հայերին, ասել է.

«Այս պահին Թուրքիայում ապրում է շուրջ 100.000 հայ։ Սրանցից միայն 30 հազարն են Թուրքիայի քաղաքացիներ, մնացածը Հայաստանից արտագաղթած ու մեր երկրում հաստատված ապօրինի միգրանտներ են։ Բայց մենք նրանց չասացինք, թե դուք Թուրքիայի քաղաքացիներ չեք և ձեզ վտարում ենք մեր երկրից։ Մենք մարդկայնորեն վարվեցինք նրանց հետ և այդպես էլ շարունակում ենք։ Նրանք մինչև հիմա շարունակում են ապրել մեր երկրում»։

Հիշեցնենք, որ Էրդողանի՝ Արգենտինա կատարած այցից առաջ, արգենտինահայերը բողոքի ակցիա էին կազմակերպել։

Աղբյուր` Olay.com.tr

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։