Թուրքիայի քրդամետ կուսակցության պատգամավորները հացադուլ կհայտարարեն

Քաղաքական09:10, 04 Դեկտեմբեր 2018

Թուրքիայի քրդամետ կուսակցության պատգամավորները հացադուլ կհայտարարեն

Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) 10 պատգամավոր երկօրյա հացադուլ է հայտարարելու՝ ի աջակցություն թուրքական բանտում գտնվող իրենց կուսակից, ազգությամբ քուրդ Լեյլա Գյուվենին։ Վերջինս էլ իր հերթին բանտում է արդեն 26 օր հացադուլ անում։

Պատգամավորների հետ հացադուլ է հայտարարելու նաև HDP-ի ներկայիս համանախագահներից տիկին Փերվին Բուլդանը։ Հացադուլն իրականացվելու է Թուրքիայի խորհրդարանի HDP-ի գրասենյակում։

Աղբյուրը հիշեցնում է, որ Լեյլա Գյուվենը Թուրքիայում կալանավորվել է 2018թ. հունվարի 31-ին։ Նա մեղադրվում է Թուրքիայում ահաբեկչական համարվող «գյուլենական համայնքի անդամ լինելու» մեջ։

Հավելենք, որ Գյուվենի նկատմամբ նաև առաջադրված է «ժողովրդի մեջ ատելություն և թշնամանք հրահրելու կամ տարածելու» մեղադրանք։ Նա հեռուստատեսության եթերով, ինչպես նաև սոցցանցերում բազմիցս քննադատել էր Սիրիայում Թուրքիայի զինուժի կողմից «Ձիթենու ճյուղ» ռազմական գործողությունը, ինչն էլ զայրացրել էր թուրքական իշխանություններին։ Նրան սպառնում է մինչև 31 տարվա ազատազրկում: Նա արդեն մի քանի անգամ հացադուլ է հայտարարել։

Աղբյուր` T24

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։