Իրավական13:56, 05 Դեկտեմբեր 2018
Շոն Փենը ժամանել է Ստամբուլ՝ սպանված սաուդցի լրագրողի մասին փաստագրական ֆիլմ նկարահանելու համար
Ամերիկացի հայտնի դերասան Շոն Փենը պատրաստվում է Թուրքիայում դաժանորեն սպանված սաուդցի լրագրող Ջեմալ Խաշոկջիի (Քաշըքչը) մասին փաստագրական ֆիլմ նկարել։
Իր նկարահանող թիմի հետ Թուրքիայում գտնվող Փենը արդեն հասցրել է նկարահանումներ կատարել դեպքի վայրում՝ Ստամբուլում Սաուդյան Արաբիայի հյուպատոսարանում։
Օսկարակիր դերասանը Թուրքիայում հանդիպել է դեպքի հետ որոշակի առնչություն ունեցող մի շարք անձանց հետ։ Նրանց նա հայտնել է փաստագրական ֆիլմ նկարելու իր մտադրության մասին։ Հայտնի է, որ Շոնը պատրաստվում է հանդիպել նաև Խաշոկջիի նշանածի՝ Հաթիջե Չենգիզի հետ։
Հիշեցնենք, որ Սաուդյան Արաբիայի վերաբերյալ քննադատական հոդվածներով հայտնի լրագրող, ամերիկյան «Washington Post» թերթի թղթակից Ջեմալ Խաշոկջին հոկտեմբերի 2-ին մուտք էր գործել Ստամբուլում Սաուդյան Արաբիայի հյուպատոսարանի շենք և այնտեղից դուրս չէր եկել: Դեպքից օրեր անց սկսեց շրջանառվել վերջինիս սպանված լինելու վարկածը, որը շուտով հաստատվեց թե Թուրքիայի ոստիկանության, թե Սաուդյան Արաբիայի կողմից։
ԱՄՆ-ում բարձրագույն կրթություն ստացած Խաշոկջին աշխատել է տարբեր սաուդական լրատվամիջոցներում՝ մշտապես հանդես գալով իշխանություններին քննադատող հոդվածներով: Իր երկրում հետապնդումների ենթարկված լրագրողը վերջին շրջանում թղթակցում էր ամերիկյան «Washington Post» թերթին, որտեղ նույնպես հանդես էր գալիս Սաուդյան Արաբիայի իշխանություններին քննադատողի դերում։
Այս ենթաբաժնի վերջին նորությունները
«Լրագրողներ առաց սահմանների» կազմակերպությունը հրապարակել է 2024-ի զեկույցը, որտեղ անդրադառնում է լրագրության վիճակին Թուրքիայում։
Թուրքիայի արևելյան հատվածում գտնվող Աղրըի նահանգապետ Մուստաֆա Քոչը տվյալներ է հրապարակել ընթացիկ տարում սահմանապահների կողմից կանխված միջադեպերի վերաբերյալ։
Թուրքիայում շարունակում են իշխանություններին մեղադրել Իսրայելի հետ համագործակցությունը շարունակելու մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սիրիայում Թուրքիայի ազդեցությունն աճել է՝ նվազեցնելով Իրանի և Ռուսաստանի դերը:
Էրդողանը նշել է, որ ուշադրությամբ է հետևում Հայաստան-Ադրբեջան կարգավորման գործընթացի զարգացումներին։
Այս մասին հեռուստաեթերից հայտնել է «Taksim Meydanı»-ի հաղորդավար Սինան Բուրհանը։
Թուրքիայի էներգետիկայի և բնական պաշարների նախարարը հայտնել է, որ էներգետիկ ենթակառուցվածքներում ուսումնասիրություններ անելու նպատակով առաջիկայում կմեկնի Սիրիա:
Ըստ Իմամօղլուի՝ աշխատավարձն այնքան քիչ է, որ նույնիսկ չի կարող բավարարել Ստամբուլում 1 ամսվա համար բնակարանի վարձավճար տալու համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |