«Էրդողանն ապրում է պալատում, իսկ միտքը՝ բանտում». Փերվին Բուլդան

Քաղաքական07:01, 05 Դեկտեմբեր 2018

«Էրդողանն ապրում է պալատում, իսկ միտքը՝ բանտում». Փերվին Բուլդան

Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) համանախագահ Փերվին Բուլդանը մեկնաբանել է Թուրքիայի նախագահ Ռեջեփ Թայիփ Էրդողանի վերջին հայտարարությունը բանտում գտնվող քրդամետ կուսակցության նախկին համանախագահ Սելահաթթին Դեմիրթաշի վերաբերյալ։

Էրդողանն ասել էր, որ Թուրքիան չի բավարարելու Դեմիրթաշի կալանքը վերացնելու մասին Մարդու իրավունքների Եվրոպական դատարանի (ՄԻԵԴ) պահանջը:

«Էրդողանն ապրում է պալատում, բայց նրա միտքը Էդիրնեի բանտում է։ (Այնտեղ կալանավորված է Դեմիրթաշը-խմբ)։ Անհրաժեշտ է, որ Դեմիրթաշն ազատ արձակվի։ ՄԻԵԴ-ի որոշումը պետք է նախադեպ դառնա, որ մեր մյուս ընկերները նույնպես հայտնվեն ազատության մեջ։ Բայց թուրքական դատարանն իշխանության հրահանգով չի իրագործում եվրադատարանի պահանջը»,- ասել է Բուլդանը։

Հիշեցնենք, որ Սելահաթթին Դեմիրթաշը շուրջ երկու տարի անազատության մեջ է: Նա, կուսակցության համանախագահ Ֆիգեն Յուքսեքդաղը և խորհրդարանի 9 ԺԴԿ պատգամավոր ձերբակալվել էին «հանցախումբ ստեղծելու», «ահաբեկչական խմբավորմանը հարելու», «ահաբեկչության օգտին քարոզչություն անելու» մեղադրանքներով:

Աղբյուր` Demokrathaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։