Թուրքիայի իշխող կուսակցությունը քաղաքական ժեստ է արել ազգայնականներին

Քաղաքական07:26, 07 Դեկտեմբեր 2018

Թուրքիայի իշխող կուսակցությունը քաղաքական ժեստ է արել ազգայնականներին

Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» (AKP-ԱԶԿ) և Դևլեթ Բահչելիի գլխավորած «Ազգայնական շարժում» (MHP-ԱՇԿ) կուսակցությունների միջև առաջացած լարվածությունը աստիճանաբար հարթվում է:

Վերջերս MHP-ն հայտարարել էր, որ 2 նահանգում ` Էրզրումում և Դենիզլիում, թեկնածու չի առաջադրելու:

Ի պատասխան այդ ժեստի` AKP-ն տեղեկացրել է, որ 2019թ. մարտի 31-ի ՏԻՄ ընտրություններում այն նահանգներում, որտեղ թեկնածու չի առաջադրի, կսատարի «Ջումհուր» դաշինքի թեկնածուին, այսինքն MHP-ին:

Թուրքական աղբյուրի փոխանցմամբ` MHP-ն էլ իր հերթին ակնկալում է, որ AKP-ն մասնավորապես Մերսինի, Ադանայի, Մանիսայի և Օսմանիեի նահանգներում թեկնածու չի առաջադրի:

Հիշեցնենք, որ 2018-ի խորհրդարանական ընտրություններին «Ջումհուր» դաշինքով մասնակցած կուսակցությունների միջև լարվածություն էր առաջացել համաներման վերաբերյալ ԱՇԿ-ի նախաձեռնությունը ԱԶԿ-ի ցուցաբերած ընդգծված բացասական մոտեցումից հետո:

Դրանից հետո Բահչելին հայտարարել էր, որ իրենք մտադրություն չունեն AKP-ի հետ դաշինքով մասնակցելու ՏԻՄ ընտրություններին:

Կողմերը, սակայն, 2018 թ. հունիսի 24-ին Թուրքիայում տեղի ունեցած արտահերթ նախագահական և խորհրդարանական ընտրությունների ժամանակ ձևավորած «Ջումհուր» դաշինքի շրջանակներում շարունակում են համագործակցությունը խորհրդարանական ձևաչափով:

Աղբյուր` NTV

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։