Իրավական07:37, 11 Դեկտեմբեր 2018
Թուրքական ոստիկանությունը ձերբակալել է Դիարբեքիրում հացադուլ անող 23 քուրդ կանանց
Թուրքական ոստիկանությունը գործողություն է կատարել քրդամետ «Ժողովուրդների դեմոկրատական կուսակցության» (HDP-ԺԴԿ) Դիարբեքիրի նահանգային գրասենյակում: Գործողության արդյունքում ձերբակալվել է 23 կին, որոնք հացադուլ էին անում կուսակցության գրասենյակում: Ձերբակալվածները տեղափոխվել են Դիարբեքիրի ոստիկանություն: Ձերբակալման պատճառի մասին տեղեկություն չի տրամադրվել:
Քրդամետ կուսակցությանը հարող դիարբեքիրցի կանայք հացադուլ էին սկսել՝ իրենց զորակցությունը հայտնելով ԺԴԿ-ական կալանավորված պատգամավոր Լեյլա Գյուվենին: Վերջինս մեկուսարանում հացադուլ էր սկսել՝ բողոքելով քուրդ առաջնորդ Աբդուլլահ Օջալանին մեկուսի բանտում պահելու դեմ:
Հիշեցնենք, որ Աբդուլլահ Օջալանը հանդիսանում է Թուրքիայում ահաբեկչական համարվող «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպության հիմնադիրն ու առաջնորդը:
1978թ. հիմնված կուսակցությունը, 1984-ից մինչև այսօր որոշ ընդհատումներով պարտիզանական պայքար է մղում թուրքական կառավարության դեմ՝ պահանջելով Թուրքիայում ապրող քրդերի անկախություն կամ ինքնավարություն: 1999թ. թուրքական հետախուզության կողմից Քենիայում ձերբակալված, ապա թուրքական դատարանի կողմից ցմահ ազատազրկման դատապարտված Օջալանը պահվում է Մարմարա ծովում գտնվող Իմրալը կղզում կառուցված հատուկ բանտում:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |