Ամերիկացի գնդապետի էջում հայտնվել է գրառում, որտեղ թուրք զինվորները որակվում են ահաբեկիչներ

Տարածաշրջան07:33, 17 Դեկտեմբեր 2018

Ամերիկացի գնդապետի էջում հայտնվել է գրառում, որտեղ թուրք զինվորները որակվում են ահաբեկիչներ

ԱՄՆ-ի գլխավորությամբ «Իսլամական պետություն» (ԻՊ) ահաբեկչական կազմակերպության դեմ ձևավորված դաշնակցային ուժերի հրամանատարության խոսնակ գնդապետ Շոն Ռայանի սոցցանցում կատարած քայլն իրարանցում է առաջացրել թուրքական լրատվամիջոցներում։

Ամերիկացի գնդապետն իր էջում կիսվել է Twitter-ի օգտատերերից մեկի հրապարակած լուսանկարով, որին կից առկա է եղել գրառում, որտեղ Թուրքիայի զինված ուժերի դիպուկահարներն անվանվում են ահաբեկիչներ։

Լուսանկարում պատկերված են քուրդ երեխաներ, որոնք քայլում են ԱՄՆ-ի զինված ուժերի ուղեկցությամբ, որոնք ապահովում են նրանց անվտանգությունը։

«Այս շաբաթ սա իմ հավանած լուսանկարն է։ ԱՄՆ-ի հատուկջոկատայինները պարեկապահակային ծառայություն են իրականացնում Թուրքիա-Ռոժավա սահմանին այն բանից հետո, երբ թուրքական ահաբեկչական բանակի դիպուկահարները, սպանեցին փոքր մի աղջկա, ով տնից գնում էր դպրոց»,- նշված է եղել գրառման մեջ։