Թուրքիայում արգելվել է «դեղին բաճկոնավորներին» վերաբերող ակցիան

Հասարակական11:42, 20 Դեկտեմբեր 2018

Թուրքիայում արգելվել է «դեղին բաճկոնավորներին» վերաբերող ակցիան

Դեկտեմբերի 20-ին թուրքական իշխանություններն արգելել են Անկարայի «Միջին արևելքի տեխնիկական համալսարանի» (ՄԱՏՀ/ODTÜ) սոցիալիստական ակումբի կողմից ծրագրված «Նեոլիբերալիզմի փակուղին. դեղին բաճկոնավորներ» ակցիան:

Անկարայի նահանգապետարանը հայտարարել է, որ արգելում է նման ակցիա իրականացնել:

Ակումբը ֆեյսբուքյան էջում գրառում է կատարել, որտեղ նշվում է, որ նախորդ շաբաթ նահանգապետարանն արգելել էր «դեղին բաճկոնավորներին» վերաբերող մեկ այլ միջոցառում ևս:

«Ակնհայտ է, որ ODTÜ-ում դեղին բաճկոնավորների մասին քննարկումը սարսափի ալիք է բարձրացել իշխանությունների մոտ: Ֆրանսիայի փողոցներում հավաքված միլիոնավոր մարդիկ իշխող «Արդարություն և զարգացում կուսակցությանը» պետք է, որ հիշեցնեն Գեզիի մղձավանջը, երբ ուսանողությանը հավաքում էին լսարաններում և փորձում արգելել նույնիսկ հասարակ քննարկումները»,- նշված է հրապարակման մեջ:

Հիշեցնենք, որ վառելիքի գների բարձրացման դեմ «դեղին բաճկոնավորների» շարժումը Ֆրանսիայում սկսվել է նոյեմբերի 17-ին: Այն ուղղված է վառելիքի գնի թանկացման դեմ: Շարժման ներկայացուցիչներին չի բավարարել Ֆրանսիայի վարչապետ Էդուար Ֆիլիպի առաջարկը՝ կապված վառելիքի գների վրա մորատորիում սահմանելու հետ:

Նշենք նաև, որ 2013թ. ամռան սկզբին Ստամբուլի կենտրոնական Թաքսիմ հրապարակին կից Գեզի զբոսայգում շինարարության դեմ բողոքի միջոցառումից Թուրքիայի ողջ տարածքում սկիզբ առան հզոր հակակառավարական ցույցեր, որոնք ընդգրկեցին բոլոր նահանգները: Ցույցերի ժամանակ բախումների հետևանքով մահացավ 5 ցուցարար և 1 ոստիկան։

Աղբյուր` Diken

Այս ենթաբաժնի վերջին նորությունները

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։