Թուրքիայում գյուլենականներին քրեորեն հետապնդելու ընթացքում հայտնաբերվել են դեղին բաճկոններ

Իրավական09:35, 24 Դեկտեմբեր 2018

Թուրքիայում գյուլենականներին քրեորեն հետապնդելու ընթացքում հայտնաբերվել են դեղին բաճկոններ

Թուրքիայի 8 նահանգում ոստիկանական համաժամանակյա գործողություններ են իրականացվել: Բուրսայում ձերբակալվել է 22 անձ: Նրանք մեղադրվում են Թուրքիայում ահաբեկչական համարվող «Ֆեթուլլահական կազմակերպության» (FETÖ-գյուլենական համայնք) հետ կապ ունենալու մեջ:

Բուրսայի ոստիկանական ստորաբաժանումների կողմից ձերբակալվածների տներում և աշխատանքի վայրերում կատարված խուզարկության ընթացքում հայտնաբերվել է 19 դեղին և 9 կարմիր բաճկոն:

Ոստիականությունն առգրավել է 91.000 թուրքական լիրա, 8800 դոլար և 250.000 եվրո: Բացի այդ ձեռք են բերվել բազմաթիվ թվային միջոցներ և կեղծ անձնագրեր:

Հիշեցնենք, որ վառելիքի գների բարձրացման դեմ «դեղին բաճկոնավորների» շարժումը Ֆրանսիայում սկսվել է նոյեմբերի 17-ին: Այն ուղղված է վառելիքի գնի թանկացման դեմ: Շարժման ներկայացուցիչներին չի բավարարել Ֆրանսիայի վարչապետ Էդուար Ֆիլիպի առաջարկը՝ կապված վառելիքի գների վրա մորատորիում սահմանելու հետ:

Նշենք նաև, որ Թուրքիայում հնարավոր վտանգից խուսափելու համար տեղի իշխանություններն արգելեցին դեկտեմբերի 20-ին Անկարայի «Միջին արևելքի տեխնիկական համալսարանի» սոցիալիստական ակումբի կազմակերպած բողոքի ակցիաները:

Աղբյուր` DHA

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։