Մշակութային14:27, 09 Հունվար 2019
Հայաստանի պատմական մայրաքաղաք Անիի այցելուների թիվը եռապատկվել է
ՅՈՒԵՍԿՕ-ի Համաշխարհային մշակութային ժառանգության ցանկում ընդգրկված Անի այցելող զբոսաշրջիկների թիվը ձմռան ամիսներին եռապատկվել է։ Որպես «Աշխարհի քաղաք», «Քաղաքակրթությունների օրրան», «Հազար ու մի եկեղեցիների քաղաք» և «քառասուն դարպասների քաղաք» հայտնի Անին գրավում ու հիացնում է թե արտերկրից, թե Թուրքիայի այլ նահանգներից եկած հյուրերին։ Մասնավորապես մեծ է «Արևելյան էքսպրես» («Doğu Ekspres») կոչվող Անկարա - Կարս երկաթուղով Անի ժամանող զբոսաշրջիկների հոսքը։
Երթուղին որոշ դադարից հետո վերագործարկվել է 2018թ․ դեկտեմբերին, ուղևորության ընդհանուր տևողությունը Անկարայից մինչև Կարս տևում է գրեթե 25 ժամ։ Չնայած դրան՝ զբոսաշրջիկները մեծ հաճույքով են օգտվում այս գնացքից՝ պատմական քաղաքն այցելելու նպատակով։
«Արևելյան էքսպրեսով» Կարս եկած զբոսաշրջիկներից Մերվե Քարաջան նշում է, որ շատ է հավանում Կարսը և կցանկանար նորից այցելել։ «Գնացքով շուրջ 25 ժամ տևող մի ուղևորություն ենք կատարել և շատ գոհ ենք։ Ես չէի սպասում, որ Կարսն այսքան գեղեցիկ է։ Իսկ հատկապես Անիի մասին մտածում էի, թե այն ամբողջովին ավերակ է։ Սակայն դեռ շատ կանգուն կառույցներ կան։ Այս կառույցների՝ երկար տարիներ շարունակ կանգուն մնալու հանգամանքը մեզ վրա մեծ տպավորություն գործեց, հիացած ենք»։
Անին առաջին անգամ այցելող զբոսաշրջիկները ափսոսանք են հայտնում, որ ավելի վաղ չեն եղել այստեղ և կոչ են անում բոլորին՝ այցելել Անի։ Զբոսաշրջիկներին հատկապես հիացնում են Անիի Մայր տաճարն ու Ամենափրկիչ եկեղեցին, Տիգրան Հոնենցի եկեղեցին, Աբլղարիբ Պահլավունու եկեղեցին։
Թուրքիայի և Հայաստանի սահմանին՝ Կարսի Արփաչայ շրջանի հարևանությամբ գտնվող Անին 961-1045 թթ․ եղել է Բագրատունիների մայրաքաղաքը։ Անիում առաջին բնակիչների մասին վկայությունները վերաբերում են մ․թ․ա․ երրրորդ հազարամյակին։ Պատմական քաղաքը տարբեր ժամանակներում գտնվել է Սասանյանների, Շադադյանների, վրաց աթաբեկների, Խորեզմի (Հարզեմշահ) պետության, սելջուկների, մոնղոլների, կարակոյունլուների, ակկոյունլուների, օսմանյան և ռուսական կայսրությունների տիրապետության ներքո։
Անիի ավերակները 2012թ․ ներառվել են ՅՈՒՆԵՍԿՕ-ի համաշխարհային մշակութային ժառանգության ժամանակավոր ցանկում, իսկ 2016թ․ հուլիսի 15-ին՝ ՅՈՒՆԵՍԿՕ-ի համաշխարհային մշակութային ժառանգության ցանկում։
Այս ենթաբաժնի վերջին նորությունները
Ermenihaber.am-ի հետ զրույցում պատարագի մասնակիցները, ովքեր եկել էին Հայաստանից, կիսվել են իրենց տպավորություններով։
Ստորագրման արարողությանը ներկա են գտնվել Անկարայում աֆրիկյան երկրների դեսպաններն ու ներկայացուցիչները։
Մեկնարկել են Վանա լճի Աղթամար կղզու հայկական Սուրբ Խաչ եկեղեցում այս տարի անցկացվելիք պատարագի նախապատրաստական աշխատանքները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
ԱԶԿ-ի նախկին պատգամավորն ընդդիմադիր BBP-ի ղեկավարի քննադատություններին արձագանքել է՝ համեմատություններ անցկացնելով Էրդողանի ու հայ և հույն ազգային պատկանելիության միջև:
Երկրաշարժը գրանցվել է Մալաթիայի Քալե շրջանում, այն նաև զգացվել է Դիարբեքիրում, Էլազըղում, Քահրամանմարաշում, Թոքաթում, Էրզինջանում և Թունջելիում։
Հոկտեմբերի 15-16-ը Ստամբուլում անցկացվում է Միջազգային ճանապարհային ֆեդերացիայի համաշխարհային կոնգրեսը։
«Զարմանալի ես ԱԶԿ... այնպես, ինչպես բոլոր ոլորտներում ես, Նոբելյանում ևս Թուրքիային բարձրացրիր»,-գրել է Ալի Քարահասանօղլուն:
Ստամբուլից հեռարձակվող ռադիոն «Թուրքիայի Ռադիոյի և հեռուստատեսության բարձրագույն խորհրդի» որոշմամբ այլևս կդադարի գործել: Ռադիոընկերությունը հայտարարել է որոշման դեմ պայքարելու մասին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |