Էրդողանին քննադատող բասկետբոլիստը կարծում է, որ իր կյանքին վտանգ է սպառնում

Քաղաքական06:21, 09 Հունվար 2019

Էրդողանին քննադատող բասկետբոլիստը կարծում է, որ իր կյանքին վտանգ է սպառնում

ԱՄՆ-ի բասկետբոլի պրոֆեսիոնալ լիգայի New York Knicks թիմի խաղացող, ազգությամբ թուրք բասկետբոլիստ Էնես Քանթերը հրաժարվում է մեկնել Լոնդոն, որտեղ տեղի է ունենալու իր թիմի հերթական խաղերից մեկը:

Որպես Անգլիա չմեկնելու պատճառ, ամերիկացի բասկետբոլիստն առաջ է քաշել այն հանգամանքը, որ Լոնդոնում իր կյանքին կարող է վտանգ սպառնալ, քանի որ ինքը հաճախակի քննադատության է ենթարկում Թուրքիայի նախագահ Ռեջեփ Թայիփ Էրդողանին, վերջինիս վարած քաղաքականության համար: Քանթերի խոսքերով, Լոնդոնում Էրդողանն ունի բազմաթիվ աջակիցներ, որոնք ամերիկացի բասկետբոլիստի բնորոշմամբ, «մոլագար են»:

BBC-ի հետ զրույցում Քանթերը թեմայի շուրջ ասել է.

«Ես բարձրաձայն քննադատում եմ Էրդողանին, այդ պատճառով ես ինձ ապահով չեմ զգում:Ցանկանում էի գալ Լոնդոն և այնտեղ տեսնել տեսարաժան վայրեր, սակայն չեմ կարող անտեսել առկա վտանգը: Չեմ կարծում, որ Լոնդոնում Էրդողանը իմ դեմ օպերացիա կիրականացնի, սակայն նա Լոնդոնում ունի բազմաթիվ խելագար աջակիցներ: Թուրքիայի կառավարությունն ինձ թիրախավորել է, վախենում եմ մահափորձից, Անգլիա չեմ մեկնելու: Դուք կարող եք ինձ անվանել պարանոյիկ, սակայն չեմ ցանկանում ռիսկի դիմել: Անվտանգության հարցերով մեր թիմի պատասխանատուն ինձ ասաց, որ, եթե մեկնեմ Լոնդոն, ապա հյուրանոցի սենյակից դուրս չեմ գալու և ոչ մի ակտիվություն չեմ ցուցաբերելու: Գնալով ավելի շատ եմ ստանում մահվան սպառնալիքներ, վերջին մի քանի օրվա ընթացքում հազարավոր սպառնալիքներ եմ ստացել: Սակայն ես շարունակելու եմ բարձրաձայն և հրապարակային խոսել: Ցանկանում եմ, որ ողջ աշխարհն իմանա, թե Թուրքիայում ինչեր են կատարվում»:

Աղբյուր` Sputnik

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։