Իրավական12:36, 11 Հունվար 2019
Թուրքիայի գլխավոր ընդդիմադիրը 275.000 դոլարի փոխհատուցման դատեր է տանուլ տվել
Թուրքական դատարանները գլխավոր ընդդիմադիր «Ժողովրդահանրապետական» (ԺՀԿ-CHP) կուսակցության նախագահ Քեմալ Քըլըչդարօղլուին պարտավորեցրել են 1.5 մլն թուրքական լիրայի (275.000 դոլար) փոխհատուցումներ վճարել: Ի դեպ, բոլոր այդ դատավճիռները կայացվել են Քըլըչդարօղլուի՝ կուսակցության ղեկավարի պաշտոնում ընտրվելուց (2010 թ.) հետո:
Թուրքիայի նախագահ Ռեջեփ Թայիփ Էրդողանն իրեն վիրավորելու համար Քըլըչդարօղլուի դեմ ընդհանուր առմամբ 147.000 (27000 դոլար) լիրայի փոխհատուցման պահանջով դատական գործընթացներ է նախաձեռնել Անկարայի դատարաններում:
Անկարայում ընդդիմադիր կուսակցապետին «իրենց վիրավորելու համար» դատի են տվել նաև մի շարք պետական պաշտոնյաներ: Դրանցից առավել աղմկահարույցը Կայսերիի (Կեսարիա) քաղաքապետ Մահմութ Օզհասեքիի՝ Քըլըչդարօղլուի ու ԺՀԿ-ական պատգամավոր Շևքի Քուլքուլօղլուի դեմ նախաձեռնած դատական գործընթացն էր:
Դրա արդյունքում Օզհասեքին ստացել է 85.000 լիրա (15.600 դոլար) փոխհատուցում, գնել 3.5 տոննա երշիկ ու բաժանել Կայսերիի բնակչությանը:
Ամենամեծ փոխհատուցումը Քըլըչդարօղլուն կրկին վճարել է Էրդողանին՝ Մեն կղզու գործով տեղի ունեցած դատավարության հետևանքով: Թուրքիայի նախագահի համար այդ անգամ դատարան դիմելու պատճառ էր դարձել Քըլըչդարօղլուի հայտարարությունն այն մասին, թե Էրդողանի հարազատները Մեն կղզում գրանցված օֆշորային ընկերություններ ունեն ու գումարներ են փոխանցել կղզի: Այս անգամ Ստամբուլի դատարանը ընդդիմադիր կուսակցապետին պարտավորեցրել էր 698000 դոլար (128000 դոլար) փոխհատուցում վճարել:
Նշվում է, որ Քըլըչդարօղլուի գումարային պարտավորությունների մարմանն օգնելու նպատակով ԺՀԿ-ի խորհրդարանական խմբակցությունը վերջերս հիմնադրամ ստեղծելու որոշում է կայացրել: Խոշոր չափով փոխհատուցումները վճարելու համար ընդդիմադիր կուսակցության առաջնորդը ստիպված է եղել վաճառել նաև իր ամառանոցը, որն ըստ խոսակցությունների արժեցել է կես միլիոն լիրա: Վերջին հայտարարագրի մեջ էլ Քըլըչդարօղլուն նշել է 200000 լիրայի (36700 դոլար) պարտավորության մասին:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |