Թուրքիայի մասին սկանդալային գրառումից հետո եղել է Էրդողանի ու Թրամփի հեռախոսազրույցը

Քաղաքական07:43, 15 Հունվար 2019

Թուրքիայի մասին սկանդալային գրառումից հետո եղել է Էրդողանի ու Թրամփի հեռախոսազրույցը

Թուրքիայի և ԱՄՆ-ի նախագահներ Ռեջեփ Թայիփ Էրդողանի և Դոնալդ Թրամփի միջև կայացել է հեռախոսազրույց։ Այդ մասին հայտնում են Թուրքիայի նախագահականը, ինչպես նաև Սպիտակ տան խոսնակը։ Հեռախոսազրույցի վերաբերյալ գրառում է կատարել նաև Թրամփը Twitter-ում։

Գրառման մեջ ընդգծել է, որ թուրք-ամերիկյան տնտեսական հարաբերություններն ընդլայնվելու մեծ ներուժ ունեն։ ԱՄՆ-ի նախագահի գրառման համաձայն՝ Էրդողանի հետ քննարկվել է նաև Սիրիայում 32կմ անվտանգության գոտի ստեղծելու հարցը։

Հեռախոսազրույցի ընթացքում նախագահները քննարկել են նաև Սիրիայից ամերիկյան զինուժի դուրսբերման գործընթացը, «Իսլամական պետություն» (ԻՊ) ահաբեկչական կազմակերպության դեմ պայքարի հարցը, ինչպես նաև թուրք-ամերիկյան հարաբերություններին առնչվող տարբեր խնդիրներ։

Սպիտակ տան խոսնակը տեղեկացրել է, որ հեռախոսազրույցի ժամանակ Թրամփը հատու շեշտել է այն հանգամանքը, որ թուրքական ուժերը Սիրիայի քրդական ուժերի դեմ նոր ռազմագործողություններ չսկսեն։

Հիշեցնենք, որ ավելի վաղ Թրամփը սպառնացել էր ավերել Թուրքիայի տնտեսությունը, եթե վերջինս նոր ռազմական գործողություններ սկսի Սիրիայի քրդական ուժերի դեմ:

Աղբյուր` A haber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։