Իրավական12:33, 17 Հունվար 2019
Թուրքական իշխանությունները նշել են հոլանդացի լրագրողի արտաքսման պատճառը
Թուրքիայի նախագահի աշխատակազմի հաղորդակցության բաժնի ղեկավար Ֆահրեթթին Ալթունը հայտնել է հունվարի 17-ի առավոտյան հոլանդացի լրագրող Յոհաննա Կորնելիա Բուրսմայի Թուրքիայից արտաքսվելու պատճառը:
Ալթունը նշել է, որ «Het Financieele Dagblad» թերթի թղթակից Բուրսմայի արտաքսման որոշումը կապված չէ եղել վերջինիս` Թուրքիայում իրականացրած լրագրողական գործունեության հետ:
Հաղորդակցության բաժնի ղեկավարը ասել է, որ Հոլանդիայի ոստիկանության և Թուրքիայի պատկան մարմինների միջև հետախուզական տեղեկատվության փոխանակման արդյունքում պարզ է դարձել, որ «տվյալ անձը կապ ունի ահաբեկչական կառույցի հետ»:
Ալթունը նաև նշել է, որ վերջին տարիներին շուրջ 2000 քաղաքացի զոհ է գնացել երկրում իրականացված ահաբեկչական գործողություններին:
Հիշեցնենք, որ հունվարի 16-ին բնակության իրավունքի ժամկետը երկարացնելու նպատակով Բուրսման դիմել է օտարերկրացիների կացության հարցերով զբաղվող ստամբուլյան բաժին։ Այստեղ նրան ձերբակալել են՝ տեղեկացնելով, որ նա «անվտանգության նկատառումներով» պետք է լքի երկիրը։
Հոլանդացի լրագրողին անգամ թույլ չեն տվել վերադառնալ տուն և վերցնել իր իրերը։ Գիշերը նա հարկադրված է եղել անցկացնել օդանավակայանին մոտ գտնվող մի ոստիկանական բաժանմունքում։ Իսկ առավոտյան թռիչքներից մեկով Բուրսման ուղարկվել է Նիդերլանդներ։
«Het Financieele Dagblad»-ի գլխավոր խմբագիր Ժան Բոնժերը հայտարարել է, որ զարմացած է իրենց թղթակցի արտաքսման որոշումից։
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |