Թուրք վերլուծաբան. «Գյուլը մայիսին Էրդողանի մտերիմների մասնակցությամբ կուսակցություն կստեղծի»

Քաղաքական12:43, 18 Հունվար 2019

Թուրք վերլուծաբան. «Գյուլը մայիսին Էրդողանի մտերիմների մասնակցությամբ կուսակցություն կստեղծի»

Թուրքիայի նախկին նախագահ Աբդուլլահ Գյուլը ներկայիս նախագահ Ռեջեփ Թայիփ Էրդողանի մի շարք մտերիմների հետ միասին պատրաստվում է նոր կուսակցություն հիմնել: Այդպիսի պնդում է առաջ քաշել ազգայնական ուղղվածություն ունեցող թուրքական «Yeni akit» թերթի վերլուծաբան Աբդուրահման Դիլիփաքն իր հոդվածում:

«5-րդ ամսվա 5-ին՝ 55 պատգամավորով» հոդվածում Դիլիփաքը հայտնում է, որ կուսակցությունը հիմնվելու է 5-րդ ամսվա՝ մայիսի 5-ին, կուսակցությանն անդամագրվելու են 55 պատգամավոր: Վերլուծաբանը պնդել է, որ Գյուլը նոր կուսակցությունը հիմնադրելու է ներկայիս նախագահ Էրդողանի շատ մտերիմ գործիչների հետ:

Նշվում է, որ նոր կուսակցությանն անդամագրվելու են նաև «Ազգայնական շարժում» կուսակցությունից (MHP-ԱՇԿ) հեռացված պատգամավորները:

Նշվում է, որ առաջին այցելությունները կատարելու է երկրի արևելյան շրջաններ: Նախկին պաշտոնյաների հետ հանդիպելու է շրջանների բնակչությանը: Էրդողանի նախկին համախոհ ընկերները պատմելու են, թե ինչու և ինչպես են առաջացել խնդիրները՝ առաջարկելով լուծման իրենց տարբերակները:

«Չնայած մամուլում այս պնդումների հերքմանը՝ որոշ մարդիկ այս հարցում վճռական են տրամադրված: Փակ դռների հետևում այս պնդումները քննարկվում են: ԱԶԿ-ում մի քանի խմբավորումներ կան»,-եզրափակել է Դիլիփաքը:

Աղբյուր` Ermenihaber.am

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։