ԱՄՆ-ի պետքարտուղարն ու Թուրքիայի արտգործնախարարները Սիրիայի թեմայով հեռախոսազրույց են ունեցել

Քաղաքական07:08, 22 Հունվար 2019

ԱՄՆ-ի պետքարտուղարն ու Թուրքիայի արտգործնախարարները Սիրիայի թեմայով հեռախոսազրույց են ունեցել

ԱՄՆ-ի պետքարտուղար Մայք Պոմպեոն և Թուրքիայի արտգործնախարար Մևլութ Չավուշօղլուն հեռախոսազրույց են ունեցել Սիրիայի թեմայով: Հեռախոսազրույցի մասին հայտարարություն է տարածել ԱՄՆ-ի արտաքին գերատեսչության մամուլի ծառայությունը:

Նշվում է, որ զրույցակիցները քննարկել են Սիրիայի ԱՄՆ-ի զորքերի դուրսբերման հարցերը: Քննարկման առարկա է եղել նաև Սիրիայի հյուսիսում անվտանգության գոտու ստեղծման գործընթացի մանրամասները:

Ըստ հայտարարության՝ Պոմպեոն նշել է, որ ԱՄՆ-ն հաշվի է առնելու Սիրիայի սահմանի հետ կապված Թուրքիայի անվտանգային մտահոգությունները: Պետքարտուղարը շեշտել է նաև, որ իր երկրի համար կարևոր է կոալիցիոն ուժերի հետ ԻՊ-ի (Իսլամական պետություն ահաբեկչական խմբավորում) դեմ պայքարող ուժերի պաշտպանվածությունը:

ԻՊ-ի դեմ պայքարող ուժեր ասելով՝ Պոմպեոն նկատի է ունեցել Սիրիայի քրդական ուժերին, որոնց ներկայությունը հյուսիսային Սիրիայում Թուրքիան ոչ մի կերպ չի ցանկանում հանդուրժել:

Հավելենք, որ նախօրեին էլ Սիրիայի թեմայով հեռախոսազրույց էին ունեցել Թուրքիայի ու ԱՄՆ-ի նախագահներ Ռեջեփ Թայիփ Էրդողանն ու Դոնալդ Թրամփը:

Աղբյուր` Ahaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։