#10YearChallenge. Թուրքիան մամուլի ազատության ինդեքսում հետընթաց է ունեցել

Քաղաքական09:08, 22 Հունվար 2019

#10YearChallenge. Թուրքիան մամուլի ազատության ինդեքսում հետընթաց է ունեցել

Վերջերս սոցիալական ցանցում մեծ թափ հավաքած «#10yearchallenge» հեշթեգով շարժումը, որի մասնակիցները տեղադրում են իրենց 2009 թվականի ու 2019 թվականների լուսանկարները՝ ցույց տալու համար իրենց արտաքինի փոփոխությունները 10 տարվա ընթացքում, համակել է այլ ոլորտներ ևս։

10 տարվա ընթացքում համաշխարհային մամուլի ազատության վերաբերյալ տեղի ունեցած փոփոխությունները ցույց տալու համար «Լրագրողներ առանց սահմանների» միջազգային իրավապաշտպան կազմակերպությունը զեկույց է հրապարակել:

Այդ տվյալների համաձայն` եթե 2008թ. մամուլի ազատության վարկանիշում Թուրքիան 102-րդ հորիզոնականում էր, ապա 2018թ. 55 հորիզոնականով նահանջել է` զբաղեցնելով 157-րդ տեղը 180 երկրի շարքում:

Զեկույցում Թուրքիան բնութագրվում է որպես լրագրողների ամենամեծ բանտն աշխարհում:

«Լրագրողներ առանց սահմանների» կազմակերպության տվյալներով` 2008թ. 173 երկրի շարքում Թուրքիան Հայաստանի հետ միասին կիսում էր 102-րդ հորիզոնականը, իսկ 2007թ. 163թ. երկրի շարքում զբաղեցնում էր 101-րդ տեղը:

Ըստ տվյալների` Թուրքիան մի երկիր է, որտեղ բազաթիվ խախտումներ են գրանցվում մամուլի և խոսքի ազատության ուղղությամբ, սահմանափակված է խմբագրական անկախությունը, գրաքննությունը, ինքնագրաքննությունը և համացանցում ազատությունը արգելքների են հանդիպում և հանցանքներն անպատիժ են մնում:

Նշվում է, որ 2016-ի հուլիսի 15-ին տեղի ունեցած հեղաշրջման փորձից հետո առավել սաստկացել են հետապնդումները ընդդիմադիր մամուլի նկատմամբ: Երկրում հայտարարված արտակարգ իրավիճակի շրջանակներում պատկան մարմինները ամեն ամիս տասնյակ լրատվամիջոցներ են փակում, իսկ ընդդիմադիր «ձայներին» ուղղորդում են դեպի ավելի քիչ վաճառվող թերթեր:

Աղբյուր` Evrensel

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։