Չնայած Էրդողանի մասին բանաստեղծության արգելմանը` գերմանացի երգիծաբանը շարունակում է պայքարել

Քաղաքական07:15, 23 Հունվար 2019

Չնայած Էրդողանի մասին բանաստեղծության արգելմանը` գերմանացի երգիծաբանը շարունակում է պայքարել

Գերմանացի երգիծաբան Յան Բյոհմերմանդեմ Գերմանիայում քրեական գործ էր հարուցվել Թուրքիայի նախագահ Ռեջեփ Թայիփ Էրդողանի մասին հրապարակորեն ծաղրական բանաստեղծություն կարդալու համար: Նա շարունակում է իրավական պայքարը՝ չնայած բանաստեղծությունն արգելելու մասին որոշում կա:

Բյոհմերմանի փաստաբան Քրիստիան Շերցը լրագրողներին տված հարցազրույցում հայտնել է, որ դիմել են Դաշնային վերաքննիչ դատարան:

Գերմանիայի Համբուրգի շրջանի դատարանի 2017թ. փետրվարին կայացրած որոշման մեջ նշվում էր, որ Բյոհմերմանի բանաստեղծության որոշ հատվածներ, որոնք վերաբերել են Թուրքիայի նախագահին, արգելվել են` համարվելով «վիրավորական և նվաստացուցիչ»:

Երգիծաբանը բողոք է ներկայացրել դատարան` չընդունելով դատարանի` բանաստեղծության որոշ հատվածներն արգելելու մասին որոշումը և հավելել, որ անհրաժեշտության դեպքում կդիմի Դաշնային սահմանադրական դատարան:

Սակայն Համբուրգի գերագույն դատարանը չի բեկանել դատարանի նախորդ որոշումը և այդպիսով արգելվել է 24 տողից բաղկացած բանաստեղծության 18 տողը: Միևնույն ժամանակ հենց այս նույն դատարանը մերժել էր Էրդողանի` բանաստեղծությունն ամբողջովին արգելելու պահանջը:

Դատավորը ասել էր, որ բանաստեղծության մյուս հատվածը երգիծական է և Էրդողանը այն պետք է այդ ձևով ընդունի:

Հիշեցնենք, որ Բյոհմերմանը 2016թ. գերմանական «ZDF» հեռուստաալիքի «Neo Magazin Royale» երգիծական հաղորդման ժամանակ Էրդողանին ուղղված բանաստեղծություն էր ընթերցել, որում թուրքական նախագահը մեղադրվում է ոչ ավանդական սեռական կողմնորոշում ունենալու, ինչպես նաև ազգային փոքրամասնությունների ու ընդդիմության դեմ հանցագործությունների մեջ:

Երգիծաբանի ընթերցած բանաստեղծությունը հանգեցրել էր թուրք-գերմանական դիվանագիտական հարաբերությունների լարվածությանը:

Աղբյուր` Demokrathaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։