Թուրքիայի ոստիկանության ակադեմիայի զեկույց. գյուլենականներին 1-ինը Ռուսաստանն է հայտնաբերել

Միջազգային07:55, 23 Հունվար 2019

Թուրքիայի ոստիկանության ակադեմիայի զեկույց. գյուլենականներին 1-ինը Ռուսաստանն է հայտնաբերել

Թուրքիայի ոստիկանության ակադեմիան զեկույց է հրապարակել երկրում ահաբեկչական հայտարարված «FETÖ» (Ֆեթոլահական ահաբեկչական կազմակերպություններ) անունով հայտնի գյուլենական շարժման մասին:

«FETÖ-ն որպես միջազգային սպառնալիք» խորագրով զեկույցում մանրամասներ է ներկայացվել ԱՄՆ-ում բնակվող Ֆեթուլլահ Գյուլենի կողմից ղեկավարվող կառույցի հիմնադրման, նպատակների ու առանձնահատկությունների մասին:

Զեկույցում տեղեկություններ են հաղորդվել նաև լրատվության, կրթության ու առողջապահության ոլորտում գյուլենականների ծավալած գործունեության, ինչպես նաև տարբեր երկրներում ունեցած ներկայացվածություն մասին:

Նշվում է, որ գյուլենական համայնքի ղեկավարությունը, ի դեմս Ֆեթուլլահ Գյուլենի, ակտիվորեն համագործակցել են ԱՄՆ-ի հետ: Ըստ զեկույցի ԽՍՀՄ-ի փլուզումից հետո դեպի կենտրոնական Ասիա, Կովկաս ու Ռուսաստան (երկրի թյուրքախոս շրջաններ): Կառույցը տարածաշրջանի արագ ազատականացման գործընթացից օգտվելով կարողացել է մի շարք երկրներում տնտեսական գործունեություն ծավալել: Համայնքը իր հիմնադրած աշխարհիկ դպրոցներում ԱՄՆ-ի անձնագրեր ունեցող անգլերենի ուսուցիչներ է պահել, որոնք, կառույցի միջոցով կաշառել են տարածաշրջանի ղեկավարներին ու այդ տեղերի հարուստ բնական հանաշոները հասցրել արևմտյան շուկաներ:

«Արևմտյան չափանիշներով կրթություն ապահոված կառույցը գնալով ավելի է կարևորվել արևմտյան երկրների կողմից: Սակայն այն տարածաշրջաններում, որտեղ կառույցն առավել ակտիվ է եղել, ԱՄՆ-ի համար գործունեության բազայի դեր է կատարել, ինչն էլ բացահայտվել է հաջորդող տարիներին»,- ասվում է զեկույցում ու ավելացվում, որ սա 1-ինը բացահայտել են Ռուսաստանի հատուկ ծառայությունները, ապա Ուզբեկստանինը:

Նշվում է, որ գյուլենականները Ռուսաստանում իրենց գործունեությունը սկսսել են թուրքալեզու բնակչություն ունեցող ինքնավար հանրապետություններում ու հասել մինչև Սանկտ Պետերբուրգ ու Սիբիր:

«2002 թվականին Ռուսաստանի հետախուզական ծառայությունը հայտնաբերել է, որ գյուլենական դպրոցները կապեր ունեն ԱՄՆ- հետախուզական ծառայության հետ ու Ռուսաստանի ազգային շահերին հակասող գործունեություն են իրականացնում երկրում»,- ասվում է զեկույցում ու ավելացվում, որ այս պատճառով երկրի բարձրագույն դատարանի որոշմամբ այդ դպրոցների մեծ մասը փակվել են այն ժամանակ:

Հաջորդ երկիրը, որը արգելել է համայնքի գործունեությունն իր տարածքում, Ուզբեկստանն է:

2016 թվականին Թուրքիայում տեղի ունեցած ռազմական հեղաշրջման փորձից հետո Թուրքիան ակտիվ աշխատանքներ է կատարում կենտրոնական Ասիայի մյուս երկրների հետ դրանց տարածքներում գյուլենականների կրթական ու այլ հաստատությունները փակել տալու նպատակով:

Հաղորդվում է, որ կառույցի կենտրոնակայանը համարվող ԱՄՆ-ում FETÖ-ն ունի ավելի քան 140 մասնավոր դպրոց ու բազմաթիվ առևտրի կենտրոններ, որոնք տարեկան 500 մլն դոլար եկամուտ են բերում Գյուլենին:

Հիշեցնենք, որ Թուրքիայի իշխանությունները 2016-ի հուլիսի 15-ին Թուրքիայում բարձրաստիճան զինվորականների մասնակցությամբ տեղի ունեցած զինված հեղաշրջման փորձը կազմակերպելու մեջ մեղադրում են գյուլենականներին ու անձամբ նրանց ղեկավար Ֆեթուլլահ Գյուլենին:

Աղբյուր` Sputnik