Թուրքիայի կրոնական գործերի վարչություն. «Աշխարհիկ կրթությունը վատ է անդրադառնում հավատքի վրա»

Տարածաշրջան09:36, 24 Հունվար 2019

Թուրքիայի կրոնական գործերի վարչություն. «Աշխարհիկ կրթությունը վատ է անդրադառնում հավատքի վրա»

Թուրքիայի կրոնական վարչության կողմից հրատարակված և աշակերտներին անվճար բաժանվող «Մարգարեն և երիտասարդությունը» գրքում աշխարհիկության ու կրթության դեմ քարոզչություն է արվում: Գրքում պնդում է արվում, որ կրթության մակարդակի բարձրացմանը զուգահեռ մարդիկ հեռանում են կրոնից:

Նշվում է, որ համալսարան չընդունված երիտասարդների շրջանում կրոնական արարողություններին մասնակցությունը 8 տոկոսով ավելի բարձր է, քան համալասարան ավարտածների մոտ:

«Կարելի է ասել, որ կրթությունն ու կրոնը հակառակ համեմատականներ են: Աշխարհիկ ոլորտում բարձրագույն կրթություն ստանալը բացասաբար է ազդում կրոնի նկատմամբ կապվածության, կրոնական ծիսակատարություններին մասնակցության վրա»,- ասվում է կրոնական վարչության հրատարակած գիրք-ձեռնարկի մեջ:

Գրքում նշվում է, որ բարձրագույն կրթությունը բարձր մակարդակի աշխարհիկացման ներուժ է պարունակում:

«Աշխարհիկ ֆակուլտետներում ու բաժիններում ժամանակ առ ժամանակ կրոնի ու գիտության հակադրումը, բարձրագույն կրթության ձևավորած գիտական, քննական մոտեցման հետևանքով կրոնը նկատմամբ հնչող քննադատական գնահատականները, համալսարաններում ուսանողների հարաբերական անահատկանացումը և ազատականացումը նույնպես պետք է դիտարկել այս համատեքստում»,- ասվում է գրքում:

Աղբյուր` Cumhuriyet

Այս ենթաբաժնի վերջին նորությունները

10:52, 15 ապր

Հեռախոսազրույց են ունեցել Թուրքիայի և Իրանի արտգործնախարարները

Կողմերը քննարկել են Օմանում կայացած ԱՄՆ-Իրան բանակցությունները։

19:03, 12 ապր

Էրդողան․ «Թուրքիան շարունակում է ջանքերը Կովկասում մնայուն խաղաղություն հաստատելու ուղղությամբ»

Թուրքիայի նախագահը նշել է, որ եվրաանդամակցության հարցն իրենց համար շարունակում է մնալ ռազմավարական նպատակ։

11:14, 09 ապր

Բաքվում կայացել է Ադրբեջան-Թուրքիա առողջապահական ոլորտի համագումար

Երկու երկրների «Մանկական շտապ բուժօգնություն և ինտենսիվ թերապիա» խորագրով համագումարին մասնակցել է Ադրբեջանում Թուրքիայի նորանշանակ դեսպան Բիրոլ Աքգյունը։