Էրդողանի կուսակցության անդամ.«Մարտի 31-ի ընտրություններում AKP-ն կարող է հիասթափություն ապրել»

Քաղաքական10:14, 24 Հունվար 2019

Էրդողանի կուսակցության անդամ.«Մարտի 31-ի ընտրություններում AKP-ն կարող է հիասթափություն ապրել»

Թուրքիայի իշխող «Արդարություն և զարգացում կուսակցության» (AKP) անդամ, նախկինում խորհրդարանի Ստամբուլից ընտրված պատգամավոր Մեթին Քյուլունքը հայտարարել է, որ իրենց կուսակցությունը մարտի 31-ի ՏԻՄ ընտրություններին կարող է հիասթափություն ապրել:

Մեթին Քյուլունքի խոսքով` AKP-ն առաջադրել է նահանգապետների և քաղաքապետների այնպիսի թեկնածուներ, որոնք ժողովրդի մեջ հեղինակություն չունեն:

«Փողոցին դուր չի գալիս, երբ իր հետ հակառակվում են: AKP-ն չի ներկայացրել այնպիսի թեկնածուներ, որոնք օժտված են արժանիքներով, արդարությամբ և իրավասություններով և հետևաբար կարող է հիասթափություն ապրել առաջիկա ընտրություններում»,-ասել է Քյուլունքը:

Նախկին պատգամավորը նկատել է տվել այն հանգամանքը, որ անհրաժեշտ է ժողովրդի հետ հզոր դաշինք ձևավորել, բերելով իր օրինակը:

«Ես բացահայտեցի այն, ինչ տեսա փողոցում: Նպարավաճառ Մեհմեթը ի՞նչ է ասում, սիմիթ վաճառող Ահմեթը ինչի՞ մասին է խոսում, գործարար Էրթուղրուլը ի՞նչ է ցանկանում. Քաղաքական կառույցները չեն կարող հեռու լինել հանրությունից: Հանրության սպասելիքները բավարարելու համար հզոր մեխանիզմ կլինի իշխանություն-հասարակություն կապի հաստատումը»,-նշել է Քյուլունքը:

Աղբյուր` Cumhuriyet

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։