Ամերիկյան Citigroup-ը Թուրքիայի տնտեսության համար հետընթաց է կանխատեսել

Տնտեսական13:57, 25 Հունվար 2019

Ամերիկյան Citigroup-ը Թուրքիայի տնտեսության համար հետընթաց է կանխատեսել

Ամերիկյան Citigroup ֆինանսական խմբի վերլուծաբանները 2019-ին Թուրքիայի տնտեսության համար 3.4 տոկոսանոց հետընթաց են կանխատեսել: Ըստ վերլուծաբանների՝ 2019-ին Թուրքիայի ՀՆԱ-ն 3.4 տոկոսով կրճատվելու է: Իսկ տնտեսության վերականգնումն բարձր տոկոսադրույքների և պարտքի բարձր մակարդակի պատճառով ավելի դանդաղ է ընթանալու:

Citigroup-ի հրապարակած զեկույցի մեջ 2018-ի 4-րդ եռամսյակի համար Թուրքիայի տնտեսության մեջ արտադրության կրճատումը մոտ 2 տոկոս է գնահատվում, իսկ 2019-ի առաջին 2 եռամսյակների համար կանխատաեսվում է համապատասխանաբար 3.7 և 6.2 տոկոսների անկում:

Ավելի վաղ էլ «Արժույթի միջազգային հիմնադրամի» (ԱՄՀ - IMF) փոխտնօրեն Դեվիդ Լիփթոնը հայտարարել էր, որ համաշխարհային տնտեսության աճի տեմպերի դանդաղումը նախատեսվածից ավելի շուտ կլինի, ինչին պարտաստ չեն երկրները: Լիփթոնը հայտարարել էր նաև, որ ԱՄՆ-ի ու Չինաստանի միջև առևտրային լարվածությունը համաշխարհային տնտեսական առաջընթացի համար ռիսկեր է պարունակում և կարող է վտանգավոր լինել մյուս պետությունների համար:

Թուրքիայի գանձապետարանի ու ֆինանսների նախարար Բերաթ Ալբայրաքը երկրի տնտեսության վերաբերյալ ասել է, որ իր միակ անհանգստությունը համաշխարհային տնտեսության աճի տեմպերի հավանական դանդաղումն է:

Աղբյուր` Habersol

Այս ենթաբաժնի վերջին նորությունները

17:43, 04 ապր

Թուրքիան, Ադրբեջանը, Վրաստանը և Բուլղարիան պատմական համաձայնագիր են ստորագրել

Համաձայնագրով արևային, քամու և այլ վերականգնվող էներգիայի աղբյուրներից արտադրված էլեկտրաէներգիան Ադրբեջան-Վրաստան-Թուրքիա-Բուլղարիա երթուղիով կհասնի Եվրոպա։