2018թ․ Գերմանիայից ապաստան խնդրող Թուրքիայի քաղաքացիների թիվն աճել է

Միջազգային09:22, 25 Հունվար 2019

2018թ․ Գերմանիայից ապաստան խնդրող Թուրքիայի քաղաքացիների թիվն աճել է

Գերմանիայից ապաստան խնդրող Թուրքիայի քաղաքացիների թիվը զգալիորեն ավելացել է։ Եթե 2017թ․ Թուրքիայից ստացված ապաստանի դիմումների թիվը կազմել էր 8․483, ապա 2018թ․ այս երկրից Գերմանիա է դիմել 10․655 քաղաքացի։

Նման արդյունքով Թուրքիան Իրանից և Նիգերիայից հետո վեցերորդ տեղն է զբաղեցրել ամենից շատ ապաստանի դիմումներ ներկայացրած երկրների ցանկում։ Ապաստան տրամադրելու դիմումների թվով 2018թ․ առաջատար եռյակում տեղ են գտել Սիրիայի, Իրաքի և Աֆղանստանի քաղաքացիները։

Գերմանիայի ներքին գործերի նախարարության տվյալների համաձայն՝ 2018թ․ ընդհանուր առմամբ 16 տոկոսով նվազել է Գերմանիայից ապաստան խնդրողների թիվը։ Տարվա ընթացքում ստացվել է 185․853 դիմում, ինչը 36․800-ով քիչ է 2017թ․ ստացված դիմումներից։

Գերմանիայի ներքին գործերի նախարար Հորսթ Սիհոֆերը նշել է, որ ամենից շատ դիմումներ Գերմանիան ստացել էր 2015թ․։ Դրանից հետո դիմումների թիը տարեցտարի նվազում է։ 2015թ․ ստացված ապաստանի հայցերի թիվը կազմել էր 890․000, իսկ 2016թ․՝ 280․000։

Աղբյուր` timeturk.com

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: