Իրավական07:58, 30 Հունվար 2019
Թուրքիան դասվել է ամենակոռումպացված երկրների շարքին
«Transparency international» միջազգային հակակոռուպցիոն կազմակերպությունը հրապարակել է 2018թ․ «Կոռուպցիայի ընկալման ինդեքսը»։ Ինդեքսում տեղ գտած 180 երկրների ցանկում Թուրքիան զբաղեցրել է 78-րդ տեղը։
Կազմակերպությունն արձանագրել է, որ 2018թ․ աշխարհում ընդհանուր առմամբ կոռուպցիայի աճ է նկատվել։ Ըստ հետազոտության արդյունքների՝ 100 հնարավորից 50 կամ պակաս միավոր ստացած երկրներն ընդգրկվել են «կոռումպացված» երկրների ցանկում։
Ամենաբարձր միավորը ստացել է Դանիան (88)՝ գրավելով առաջին հորիզոնականը։ Երկրորդ տեղում 87 միավորով Նոր Զելանդիան է, իսկ երրորդ տեղը միաժամանակ զբաղեցրել են Շվեդիան, Շվեյցարիան, Ֆինլանդիան և Սինգապուրը։
Թուրքիան ստացել է 41 միավոր՝ այդպիսով ընդգրկվելով «կոռումպացված երկրների» ցանկում։ Կազմակերպության տվյալների համաձայն՝ Թուրքիան, Սանտա Լուսիան, Բահրեյնը, Սիրիան և Հունգարիան վերջին 5 տարում ամենից շատ հետընթաց գրանցած երկրներն են։ Թուրքիան այդ ընթացքում կորցրել է 8 միավոր։
Հետազոտության համար հիմք են ընդունվել օրենքի գերակայության սկզբունքի, մամուլի ազատության, քաղաքացիական հասարակության ուժի, հավաքների և խոսքի ազատության վիճակը։ Արձանագրվել է, որ նշված ոլորտներում կատարվող խախտումները թույլ չեն տալիս Թուրքիային՝ հասնել միջազգային միջին ցուցանիշին։
«Ժողովրդավարական անբաժանելի մասը կազմող կառույցների դիրքերի հետզհետե թուլացմանը զուգահեռ Թուրքիան Կոռուպցիայի ընկալման ինդեքսում հայտնվում է ժողովրդավարական ավանդույթներ չունեցող երկրների հետ նույն խմբում», -ասված է զեկույցում։
Այս ենթաբաժնի վերջին նորությունները
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Թուրքիայի իշխանությունները ԺՀԿ-ական Էսենյուրթի արդեն նախկին քաղաքապետին մեղադրում են իրենց կողմից ահաբեկչական ճանաչված «PKK»-ի անդամ լինելու մեջ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայում իշխող կուսակցության հետ դաշինիքի մեջ գտնվող ԱՇԿ-ի առաջնորդը կրկին անդրադարձել է ՔԲԿ-ի առաջնորդին ներում շնորհելու մասին իր հայտարարությանը։
Ակումբն առաջիկա 3 տարում զրկված կլինի նոր ֆուտբոլիստներով համալրվելու տրանսֆերային պատուհանի հնարավորությունից։
ԱՄՆ պետդեպարտամենտի խոսնակ Մեթյու Միլլերն անդրադարձել է Պաղեստինի Գազայի հատվածում իշխող «ՀԱՄԱՍ» խմբավորմանն ու ըստ թուրքական մեդիայի՝ մեսիջներ հղել Թուրքիային։
Թուրքիայի նախագահը Բրազիլիայում անցկացված «G20»-ի գագաթնաժողովին մասնակցելուց հետո մամուլի ասուլիս է տվել։
Աֆրիկյան մի շարք երկրներ հետաքրքրություն են ցուցաբերում թուրքական ռազմարդյունաբերական արտադրանքով։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |