Թուրքիայի խորհրդարանի նախագահը հրաժարական է տալու

Քաղաքական09:41, 30 Հունվար 2019

Թուրքիայի խորհրդարանի նախագահը հրաժարական է տալու

Թուրքիայի Ազգային մեծ ժողովի (մեջլիս) նախագահ Բինալի Յըլդըրըմը հայտարարել է, որ հրաժարական է տալու: Պատճառը մարտի 30-ին Թուրքիայում սպասվող ՏԻՄ ընտրությունների շրջանակներում Էրդողանի գլխավորած իշխանական «Արդարություն և զարգացում» (AKP-ԱԶԿ) կուսակցության կողմից Ստամբուլի քաղաքապետի պաշտոնում Յըլդըրըմի թեկնածության առաջադրումն է:

«Կուսակցությանս կողմից իմ թեկնածության դիմումը ներկայացնելու պահին ես էլ իմ հրաժարականի դիմումը կներկայացնեմ»,- պարզաբանել է Յըլդըրըմը:

Վերջինս տեղեկացրել է նաև, որ ԱԶԿ-ն իր թեկնածությունը գրանցելու համար բարձրագույն ընտրական հանձնաժողովին պաշտոնական դիմումը ներկայացնելու է փետրվարի 18-ին:

Նշենք, որ Յըլդըրըմի հրաժարականի թեման Թուրքիայի քաղաքական շրջանակներում ու մամուլում բուռն քննարկման առիթ է դարձել:

Ընդդիմախոսները պնդում էին, որ առանց խորհրդարանի խոսնակի պաշտոնից հրաժարվելու, Յըլդըրըմի թեկնածության առաջադրումը հակասում է սահմադրությամբ նախատեսվող չեզոքության պահանջին, ինչպես նաև քաղաքական բարոյականության նորմերին:

Աղբյուր` Yeni asır

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։