Չավուշօղլուն ՀԱԵ պատվիրակությանը հորդորել է համբերատար լինել պատրիարքական ընտրությունների հարցում

Քաղաքական13:39, 06 Փետրվար 2019

Չավուշօղլուն ՀԱԵ պատվիրակությանը հորդորել է համբերատար լինել պատրիարքական ընտրությունների հարցում

Վատիկանում Հայ առաքելական եկեղեցու պաշտոնական ներկայացուցիչ Խաժակ արքեպիսկոպոս Պարսամյանը մանրամասներ է հայտնել օրեր առաջ Թուրքիայի արտգործնախարար Մևլութ Չավուշօղլուի հետ հանդիպումից:

Ստամբուլի հայկական «Ակոս» թերթին տված հարցազրույցում արքեպիսկոպոսը պատմել է, որ հանդիպումը, որի ընթացքում քննարկվել է Պոլսի հայոց պատրիարքի ընտրությունների հարցը, տեղի է ունեցել Ամենայն հայոց կաթողիկոս Գարեգին 2-րդի նախաձեռնությամբ:

«Կաթողիկոսը ցանկանում էր, որ ես կառավարությունից ընդունելություն ստանայի՝ այս թեմայի մասին արտասահմանում (Թուրքիայից դուրս-խմբ.) եղած ընկալումները փոխանցելու համար»,- ասել է Պարսամյանը՝ մանրամասնելով, որ ընդունելության համար ինքը դիմել է Վատիկանում Թուրքիայի դեսպանին, ով էլ կապվել է Թուրքիայի ԱԳՆի-ի հետ՝ տեղյակ պահելով խնդրի մասին: Ավելի ուշ դեսպանի միջոցով ստանալով Թուրքիայի ԱԳՆ-ի դրական պատասխանը՝ տեղեկացրել է Ամենայն հայոց կաթողիկոսին, ում հանձնարարությամբ իրեն է միացել Մայր Աթոռ Սուրբ Էջմիածնի միջեկեղեցական հարաբերությունների գրասենյակի ղեկավար Շահե վարդապետ Անանյանը: Հանդիպմանը մասնակցել է նաև Պոլսի պատրիարքական փոխանորդ Արամ արքեպիսկոպոս Աթեշյանը: Խոսելով բուն հանդիպման մասին՝ արքեպիսկոպոս Պարսամյանը մասնավորապես ասել է.

«Նախարարը մեզ ջերմ ընդունեց: Ես էլ նրան հստակ ասացի, որ մեր նպատակը խնդրին դրսից միջամտելը չէ, այլ միայն մեր անհանգստությունները փոխանցելն է, և եթե կարող ենք որևէ կերպ օգտակար լինել, ապա հաճույքով կլինենք:

Նախարարը նույնպես նշեց, որ դա ներքին խնդիր է, և պետությունը նույնպես ցանկանում է, որ պատրիարքական ընտրությունները կայանան, սակայն պետք է մի քիչ էլ համբերել: Ինձ անկեղծ թվացին նրա խոսքերը:

Իմ տպավորությամբ իրենք ցանկանում են, որ այս գրծընթացը հանդարտությամբ ընթանա, չեն ուզում, որ համայնքի մեջ լարվածություն առաջանա»:

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։