Վրաստանում Բորչալուից ընտրված թյուրք պատգամավորը կոչ է արել ապամոնտաժել Ավագյանի հուշարձանը

Քաղաքական11:59, 06 Փետրվար 2019

Վրաստանում Բորչալուից ընտրված թյուրք պատգամավորը կոչ է արել ապամոնտաժել Ավագյանի հուշարձանը

Վրաստանի խորհրդարանի Բորչալուից ընտրված թյուրք (կարափափախ) պատգամավոր Ազեր Սուլեյմանովը Թիֆլիսում կայացած խորհրդարանական նիստին բացասաբար է արձագանքել Ախալքալաքում հայկական հուշարձանի տեղադրմանը:

Ազեր Սուլեյմանովը նշել է, որ դատապարտում է Վրաստանում հայ զինվորական Միքայել Ավագյանի հուշարձանի տեղադրումը և վրացական կառավարությանը կոչ արել լուրջ քայլեր ձեռնարկել:

Ըստ Սուլեյմանովի՝ ժողովուրդը մտահոգված է, որ «Ադրբեջանի ժողովրդի թշնամի» Ավագյանի հուշարձանի բացման արարողությանը մասնակցել են պատգամավորներ, քաղաքապետեր, Վրաստանում Հայաստանի արտակարգ և լիազոր դեսպանը:

Սուլեյմանովը այնուհետև դիմելով խորհրդարանի նախագահ Իրակլի Կոբախիձեին, հարցրել է` վերջինս ինչպես է համարում պատգամավորների մասնակցությունը նման միջոցառմանը և հավելել, որ նմանատիպ հուշարձանները պետք է վերացվեն Վրաստանից:

Ի պատասխան Սուլեյմանովի` Կոբախիձեն ասել է, որ ադրբեջանցի գործընկերների հետ կխորհրդակցեն և ընդգծել, որ հարգանքով են վերաբերվում հարևար երկրների շահերին և այդ շահերին համապատասխան են շարժվում:

Հիշեցնենք, որ Արցախյան ազատամարտիկ, ծնունդով Բուղաշեն գյուղից Միքայել Ավագյանը արցախյան պատերազմի տարիներին ձեռք էր բերել Կոբրա մականունը, քանի որ տիրապետում էր ադրբեջաներենին, որն օգնում էր հետախուզությունների ժամանակ:

Մասնակցել է Հորադիզի, Խոջալուի, Հադրութի և Ֆիզուլիի ռազմական գործողություններին, վիրավորվել դիպուկահարի կրակոցից Հորադիզի կամրջի համար առճակատումների ժամանակ և մահացել հիվանդանոց տեղափոխելու ճանապարհին:

Աղբյուր` Haberler

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։