Թուրքիայում հիստերիա է առաջացրել Մակրոնի` ապրիլի 24-ի վերաբերյալ որոշումը

Ցեղասպանություն11:59, 07 Փետրվար 2019

Թուրքիայում հիստերիա է առաջացրել Մակրոնի` ապրիլի 24-ի վերաբերյալ որոշումը

Թուրքիայի արտգործնախարարության մամուլի խոսնակ Համի Աքսոյը արձագանքել է Ֆրանսիայի նախագահ Էմանուել Մակրոնի`ապրիլի 24-ը Ֆրանսիայում Հայոց ցեղասպանության հիշատակի ազգային օր հռչակելու հայտարարությանը:

Աքսոյը Մակրոնի որոշումը պայմանավորել է ներքաղաքական հանգամանքներով, նշելով, որ Մակրոնը հայ ընտրողների քվեն ստանալու հույսով փորձում է իրագործել տված խոստումը՝ հաշվի չառնելով Ֆրանսիայի ՍԴ և ՄԻԵԴ որոշումներն ու պատմական փաստերը:

«Մտահոգիչ է, որ մի քաղաքական գործիչ, ով անտեղյակ է օսմանյան պատմությունից, անտեսում է ֆրանսիական և եվրոպական իրավունքը և թուրքերի համար ծայրաստիճան զգայուն համարվող մի պատմական հարցի շուրջ միակողմանի դիրքորոշում է ընդունում` հանուն անձնական, քաղաքական շահի»,- ասվում է Աքսոյի հայտարարությունում:

Մամուլի խոսնակը պնդել է, որ Օսմանյան կայսրությունում 500.000-ից ավելի մուսուլման է սպանվել հայ ապստամբների կողմից:

Նրա համոզմամբ` պատմության այդ ցավալի ժամանակաշրջանի լուսաբանմանը մեծ կարևորություն տվող Թուրքայի` «Պատմության համատեղ հանձնաժողով» հիմնելու առաջարկը դեռևս ուժի մեջ է:

Աղբյուր` mfa.gov.tr

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։