Թուրքիայում ոստիկանությունը չի թույլատրում քրդամետ կուսակցությանը բողոքի երթ կազմակերպել

Քաղաքական09:44, 11 Փետրվար 2019

Թուրքիայում ոստիկանությունը չի թույլատրում քրդամետ կուսակցությանը բողոքի երթ կազմակերպել

Թուրքական ոստիկանությունը թույլտվություն չի տվել Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) մի խումբ պատգամավորներին՝ Ստամբուլում երթ կազմակերպել՝ ի պաշտպանություն նույն կուսակցության պատգամավոր Լեյլա Գյուվենի։ Վերջինս արդեն 96 օր է, ինչ հացադուլ է անում։

Հացադուլի մի մասը նա անցկացրել է բանտում, այնուհետև նրան պայմանականորեն ազատ են արձակել, բայց պատգամավորը շարունակում է հացադուլը։ Գյուվենը հացադուլի միջոցով իր բողոքն է արտահայտում «Քուրդիստանի բանվորական կուսակցության» առաջնորդ, ցմահ ազատազրկման դատապարտված Աբդուլլահ Օջալանի և առհասարակ բոլոր քաղբանտարկյալների մեկուսացման դեմ։

Երբ քրդամետ կուսակցության պատգամավորները հարցրել են արգելքի պատճառը, ոստիկանության աշխատակիցներից մեկը ասել է, թե 2018թ օգոստոսից սկսած բոլորին արգելվել այդ պողոտայով երթ կազմակերպել։

Հիշեցնենք, որ Գյուվենը թուրքական դատարանի կողմից մեղադրվում է «ահաբեկչական կազմակերպություն ստեղծելու, ղեկավարելու», ինչպես նաև «ի օգուտ ահաբեկչական կազմակերպոթյան քարոզչություն անելու մեջ»։ Նրան սպառնում է մինչև 31 տարվա ազազրկում։

Աղբյուր` Evrenesel

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։