Էրդողանը՝ Մակրոնին. «Հայերը մեր երկրում երբեք չեն ենթարկվել ցեղասպանության»

Ցեղասպանություն06:46, 18 Փետրվար 2019

Էրդողանը՝ Մակրոնին. «Հայերը մեր երկրում երբեք չեն ենթարկվել ցեղասպանության»

Թուրքիայի նախագահ Ռեջեփ Թայիփ Էրդողանն արձագանքել է Ֆրանսիայի նախագահ Էմանուել Մակրոնի՝ ապրիլի 24-ը Ֆրանսիայում Հայոց ցեղասպանության հիշատակի օր հռչակելու մասին հայտարարությանը: Էրդողանը Մակրոնի հայտարարությանը գնահատական է տվել թուրքական լրատվամիջոցի հետ զրույցում։

Նախ Թուրքիայի նախագահը Ֆրանսիային մեղադրել է 20-րդ դարում աֆրիկյան մի շարք երկրներում կոտորածներ իրականացնելու մեջ, իսկ այնուհետև Մակրոնին պատմությունն ավելի լավ սերտելու խորհուրդ է տվել։

«Մեր պատմության մեջ ցեղասպանության դեպք չի եղել։ Այդ այսպես կոչված Հայոց ցեղասպանություն արտահայտությունը գործածելուց զգույշ եղիր։ Նախ ծանոթացիր այդ հարցի պատմությանը։ Հայերը մեր երկրում երբեք չեն ենթարկվել ցեղասպանության, իսկ այժմ էլ մեր երկրում ապրում է մոտ 100.000 հայ, որոնց մի մասը՝ Թուքրիայի քաղաքացի։ Նրանք մեր երկրում են ապրում և շարունակելու են ապրել։ Մենք կարող էինք Հայաստան ուղարկել այն հայերին, ովքեր Թուրքիայի քաղաքացիներ չեն, բա դա չենք արել»,- նշել է Էրդողանը։

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։