Թուրքիան պատրաստվում է նավթագազային պաշարների որոնում սկսել Կիպրոսի ափերի մոտ

Քաղաքական11:01, 22 Փետրվար 2019

Թուրքիան պատրաստվում է նավթագազային պաշարների որոնում սկսել Կիպրոսի ափերի մոտ

Թուրքիայի արտգործնախարար Մևլութ Չավուշօղլուն հայտարարել է, որ իր երկիրը պատրաստվում է նավթագազային պաշարների որոնում սկսել Կիպրոսի ափերի մոտ:

Թուրքիայի Այդըն քաղաքում տնտեսական համաժողովում ունեցած ելույթի ժամանակ Չավուշօղլուն մասնավորապես ասել է. «Առաջիկա օրերին Կիպրոսի շուրջը 2 նավով պաշարների հետախուզման աշխատանքներ ենք սկսելու: Հեռուներից այնտեղ եկածներն ու նրանց ընկերությունները թող տեսնեն, որ այդ շրջանում առանց մեզ ոչինչ չի կարող արվել: Միջերկրական ծովում առանց Թուրքիայի ոչինչ չի կարող արվել, դա թույլ չենք տա»:

Թուրքիայի ԱԳ նախարարը հայտարարել է, որ Թուրքիան հավակնություններ ունի նաև կղզու շուրջը գտնվող հիդրոկարբոնատի պաշարների նկատմամբ:

Չավուշօղլուն մանրամասներ է ներկայացրել նավթագազային պաշարների հետախուզման աշխատանքների մասին: Նա նշել է, որ այս պահին Ալանիայի ափերի մոտ որոնողական աշխատանքներ իրականացնող թուրքական միակ նավթագազային պաշարների հետախուզական նավը մարտի առաջին օրերին կավարտի աշխատանքը ու կտեղափոխվի Կիպրոսի տարածքային ջրեր: Ըստ թուրք նախարարի՝ Թուրքիայի գնած 2-րդ հետախուզական նավը, որը դեռ ճանապարհին է, նույնպես կմիանա այդ աշխատանքներին:

«2-րդ նավը պետք է ուղարկեինք Սև ծով, սակայն որոշեցինք այս պահին ուղարկել Կիպրոս, որ հեռվից եկածներն ու նրանց ընկերությունները տեսնեն՝ առանց մեզ այս շրջանում ոչինչ չի կարող արվել»,- ասել է Չավուշօղլուն:

Նշենք, որ Թուրքիայի ու Կիպրոսի միջև շարունակվում է լարվածությունը կղզու ափերի նավթագազային պաշարների տնօրինման թեմայով: Թուրքիան ամեն կերպ խոչընդոտում է Կիպրոսի (հունական) կողմից նավթագազային պաշարների արդյունահանման աշխատանքներին՝ ցանկանալով բաժին ստանալ այդ պաշարներից:

Աղբյուր` Denizhaber

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։