«Թուրքիայի կոմունիստական կուսակցությունը» ՏԻՄ ընտրություններին առաջադրել է չադրայով թեկնածու

Քաղաքական12:55, 25 Փետրվար 2019

«Թուրքիայի կոմունիստական կուսակցությունը» ՏԻՄ ընտրություններին առաջադրել է չադրայով թեկնածու

Թուրքիայի «Կումունիստական կուսակցությունը» (TKP-ԹԿԿ) մարտի 31-ին կայանալիք ՏԻՄ ընտրություններին Ստամբուլի Գյունգյորեն համայնքում ներկայացրել է չադրայով կնոջ՝ Ֆաթմա Աքընի թեկնածությունը:

Կոմունիստական կուսակցության գլխաշորով կին թեկնածուի առաջադրումը լայն արձագանք է գտել թուրքական մամուլում, ինչի կապակցությամբ TKP-ն հայտարարություն է արել.

«Գյունգյորեն համայնքի թեկնածու Ֆաթմա Աքընը, որը կուսակցության «չադրայով թեկնածուն» է, աշխատում է տեքստիլի ոլորտում: Մեր ներկայացուցիչն ընտրություններին չի մասնակցում «գլխաշորով» լինելու համար»:

Հայտարարության մեջ ընդգծված է, որ Ֆաթմա Աքընը ընտրություններին մասնակցում է ոչ թե որպես հավատացյալ, այլ որպես կոմունիստ:

Հայտարարության մեջ ներկայացվում են Թուրքիայի կոմունիստական կուսակցության գաղափարական որոշակի դրույթներ:

«Գումարը և կրոնը պետք է հեռացվեն քաղաքականությունից: Քաղաքականությունը պետք է ազատվի գումարի և կրոնի իշխանությունից»:

Նշենք, որ Ֆաթմա Աքընը ՏԻՄ ընտրություններին մասնակցում է «մենք միևնույն նավում չենք» կարգախոսով:

Աղբյուր` Cumhuriyet

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։