Թուրքիայում աջ կենտրոնամետ նոր կուսակցություն է հիմնվում

Քաղաքական08:49, 25 Փետրվար 2019

Թուրքիայում աջ կենտրոնամետ նոր կուսակցություն է հիմնվում

Թուրքիայում աջ կենտրոնամետ նոր կուսակցություն է հիմնվում: Կուսակցության անունը, սակայն, դեռ չի հրապարակվում: Կուսակցության ստեղծման մասին հայտնի է դարձել «Yenibirparti» (թարգմանաբար՝ «Մի նոր կուսակցություն») անվամբ բացված կայքից: Կայքի տարբեր բաժիններում ներկայացված են նորաստեղծ կուսակցության ոլորտային տարբեր ծրագրեր:

Կայքի «Մենք ո՞վ ենք» բաժնում կուսակցության անվան ու ղեկավարների մասին մասնավորապես ասվում է. «Անձնակազմով կուսակցության քաղաքականությունն ու ծրագրերը չստվերելու համար դեռևս նպատակահարմար չենք գտնում հրապարակել կուսակցության և հիմնադիր անդամների անունները»:

Նշենք, որ վերջին շրջանում Թուրքական մամուլում ակտիվորեն լուրեր են շրջանառվում այն մասին, որ Թուրքիայի նախկին վարչապետ Ահմեթ Դավութօղլուն այդ երկրի 11-րդ նախագահ Աբդուլլահ Գյուլի ու նախկին փոխվարչապետ Բյուլենթ Արընչի հետ պատրաստվում է նոր կուսակցություն հիմնել:

Նշված մարդիկ Թուրքիայի նախագահ Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցության նախկին կամ ներկա անդամներ են, որոնք, սակայն, այժմ ակտիվ քաղաքականությամբ չեն զբաղվում:

Աղբյուր` Haberler

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։