Ռուս պրոֆեսոր. «Եթե անգամ ԱՄՆ-ն Թուրքիային տա «F-35», մեկ է, կկիրառի պատժամիջոցներ»

Քաղաքական09:44, 26 Փետրվար 2019

Ռուս պրոֆեսոր. «Եթե անգամ ԱՄՆ-ն Թուրքիային տա «F-35», մեկ է, կկիրառի պատժամիջոցներ»

Ռուսաստանի ռազմական գիտությունների ակադեմիայի պրոֆեսոր Սերգեյ Սուդակովն անդրադարձել է Թուրքիայի կողմից ռուսական «S-400» ՀՕՊ համակարգերի գնման պատճառով Անկարայի ու Վաշինգտոնի միջև առկա լարվածությանը:

Ըստ Սուդակովի՝ լարվածության հիմքում ընկած է այն հանգամանքը, որ ռուսական «S-400»-ները հանդիսանում են բոլոր տեսակի հրթիռների ու ավիատեխնիկայի դեմ ամենաարդյունավետ պայքարող համակարգերը:

«ԱՄՆ-ի կողմից անտեսանելի բնութագրվող և իբրև հակառակորդ երկրի սահմաններն աննկատ հատել կարողացող «F-35» ստրատեգիական կործանիչներն անզոր են «S-400»-ների դեմ: Եթե անգամ ԱՄՆ-ն Թուրքիային մատակարարի «F-35», մեկ է, «S-400»-ների գնման պատճառով Անկարայի նկատմամբ պատժամիջոցներ կկիրառի»,- ասել է Սուդակովը:

Ռուսաստանի ռազմական գիտությունների ակադեմիայի ռազմաքաղաքական ուսումնասիրությունների կենտրոնի ղեկավար Վլադիմիր Բատյուկն էլ նշել է, որ ԱՄՆ-ն շարունակելու է դիվանագիտական ճնշում բանեցնել Անկարայի վրա:

«Վաշինգտոնի նպատակն Անկարային համոզելն է, որ վերջինս հրաժարվի Մոսկվայի հետ ստորագրած («S-400»-ների վերաբերյալ-խմբ.) պայմանագրից»,- ասել է Բատյուկը:

Աղբյուր` Sputnik

Այս ենթաբաժնի վերջին նորությունները

17:21, 27 նոյ

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

10:46, 27 նոյ

Էրդողանն ընդունել է «Վերակառուցման և զարգացման եվրոպական բանկի» նախագահին

Հանդիպման օրակարգի վերաբերյալ մանրամասներ չեն հրապարակվել։ Այն անցել է փակ ձևաչափով։

10:23, 27 նոյ

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։